پیٹرولیم مصنوعات کی قیمتوں میں کمی کا امکان ہے تاہم پیٹرول کی نسبت ڈیزل کی قیمت زیادہ کم ہوسکتی۔
یہ بھی پڑھیں: رمضان المبارک کے موقعے پر عوام کو ایل پی جی کی قیمت میں ریلیف
میڈیا رپورٹس کے مطابق ڈیزل کی فی لیٹر قیمت میں 5 روپے 30 پیسے کمی کی تجویز دی گئی ہے جبکہ پیٹرول کی قیمت 50 پیسے فی لیٹر کم ہونے کا امکان ہے۔
پیٹرولیم مصنوعات کی قیمتوں میں کمی کی سمری وزارت خزانہ کو ارسال کردی گئی ہے اور حتمی فیصلہ وزیر اعظم کی ہدایت و مشاورت سے کیا جائے گا۔ واضح رہے کہ یہ متوقع کمی 15 روز کے لیے ہوگی۔
مزید پڑھیے: کیا ڈی ریگولرائزیشن سے پیٹرول مہنگا ہوجائے گا؟
علاوہ ازیں جمعے کو آئل اینڈ گیس ریگولیٹری اتھارٹی (اوگرا) نے نوٹیفکیشن جاری کیا جس کے مطابق ایل پی جی کی قیمت میں 6 روپے 15 پیسے کی کمی کردی گئی ہے۔
ایل پی جی کی قیمت 6 روپے 15 پیسے کمی کے بعد اب 247 روپے 82 پیسے مقرر کر دی گئی ہے۔
