انٹرنیشنل کرکٹ کونسل (آئی سی سی) چیمپیئنز ٹرافی میں گروپ اسٹیج کے آخری میچ میں بھارت نے نیوزی لینڈ کو 44 رنز سے ہرا دیا۔
بھارت اور نیوزی لینڈ کے درمیان چیمپیئنز ٹرافی گروپ اسٹیج کا آخری میچ دبئی کرکٹ کے اسٹیڈیم میں کھیلا گیا جہاں نیوزی لینڈ نے ٹاس جیت کر بھارت کو بیٹنگ کی دعوت دی۔
یہ بھی پڑھیے: چیمپیئنز ٹرافی: بھارت کی ضد نے آسٹریلیا اور جنوبی افریقہ کو مشکل میں ڈال دیا
بھارت نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 249 رنز اسکور کیے، جبکہ جواب میں نیوزی لینڈ کی پوری ٹیم 45.3 اوورز میں 205 اسکور بنا کر آؤٹ ہوگئی۔
بھارتی ٹیم شروع میں ہی مشکلات کا شکار دکھائی دی جب 30 رنز پر 3 کھلاڑی پویلین لوٹ گئے۔ روہت شرما 15، ویرات کوہلی 11 اور شمبھن گل 2 رنز بناکر آؤٹ ہوئے۔
بھارتی بیٹر شیریاس ائیر نے 79 رنز کی نمایاں اننگز کھیلی جبکہ ہارک پانڈیا 45 اسکور بنانے میں کامیاب رہے۔
نیوزی لینڈ کی جانب سے فاسٹ بولر میٹ ہنری نے شاندار کارکردگی کا مظاہرہ کرتے ہوئے 42 اسکور دے کر 5 کھلاڑیوں کو پویلین کی راہ دکھائی۔
نیوزی لینڈ کی جانب سے کین ولیمسن 81 رنز اسکور کرکے نمایاں بیٹر رہے، ان کی اننگز میں 7 چوکے بھی شامل ہیں۔
اس کے علاوہ مچل سینٹنر 28، ول ینگ 22 اور ڈیرل مچل نے 17 رنز اسکور کیے، جبکہ ٹام لیتھم 14 اور گلین فلپس 12 رنز اسکور کرکے آؤٹ ہوئے۔
بھارت کی جانب سے ورون چکرورتی نے 5 کھلاڑیوں کو آؤٹ کیا، اس کے علاوہ کلدیپ یادو نے 2، ہاردک پانڈیا، اکثر پٹیل اور جڈیجا نے ایک ایک وکٹ حاصل کی۔
میچ سے قبل کیوی ٹیم کے کپتان نے کہاکہ ان کی ٹیم میں ایک ہی تبدیلی کرتے ہوئے کونوے کی جگہ ڈیرل مچل کو شامل کیا گیا ہے، وکٹ کافی اچھی لگ رہی ہے، بھارت کو جلد آؤٹ کرنے کی کوشش کریں گے۔
یہ بھی پڑھیے: چیمپیئنز ٹرافی: بھارت کی ضد نے آسٹریلیا اور جنوبی افریقہ کو مشکل میں ڈال دیا
دوسری طرف بھارتی ٹیم کے کپتان روہت شرما نے کہاکہ ہم ٹاس جیٹ کر بھی بیٹنگ ہی کرتے، انہوں نے کہا کہ ہرشیت رانا کی جگہ ٹیم میں وارن چکرورتی کو شامل کیا گیا ہے۔
