گولا بجا کر سحری اور افطار کا اعلان، ڈی آئی خان کی دلچسپ ویڈیو وائرل

پرانے زمانے میں جب لوگوں کے پاس گھڑیاں نہیں ہوتی تھیں تو وہ مختلف طریقوں سے سحری اور افطاری کے اوقات کا تعین کرتے تھے لیکن جدید دور میں نئی ٹیکنالوجی آنے سے پرانی روایات معدوم ہوتی جا رہی ہیں، ایک وقت تھا جب سحری اور افطاری کے وقت ڈھول یا گولے بجا کر اطلاع دی جاتی تھی لیکن اب یہ سلسلہ تقریباً ختم ہو چکا ہے۔

لیکن خیبر پختونخوا کے ضلع ڈی آئی خان میں آج بھی افطاری و سحری کے وقت گولا بجانے کی روایت زندہ ہے جو پچھلے 200 سالوں سے چلی آ رہی ہے ڈیرہ اسماعیل خان میں سحری اور افطار کا اعلان آج بھی گولا بجا کر روایتی انداز میں کیا جاتا ہے۔

ڈیرہ اسماعیل خان میں ایسے ہی گولا بجا کر سحری و افطاری کی اطلاع دینے کی ایک ویڈیو سوشل میڈیا پر وائرل ہو رہی ہے جسے صارفین کی جانب سے خوب سراہا جا رہا ہے۔

تقریبا پچھلے 200 سالوں سے ڈیرہ اسماعیل خان میں سحری اور افطار کا اعلان گولا بجا کر روایتی انداز میں کیا جاتا ہے

یہ سنا گیا ہے کی پاکستان بھر میں صرف ڈیرہ اسماعیل خان وہ شہر ہے جہاں پہ اس طرح سے سحری اور افطاری کا اعلان کیا جاتا ہے

©️وقاص علی pic.twitter.com/4skl4KpP4k

— Pakistan Tourism (@PakistanJannatt) March 2, 2025

کئی صارفین کا کہنا ہے کہ پرانی روایات کو قائم رکھنا اچھی چیز ہے جبکہ کئی صارفین ایسے بھی تھے جن کا کہنا تھا کہ ان کے علاقوں میں بھی سحری و افطاری کے لیے ایسے ہی گولوں کا استعمال کیا جاتا ہے۔

صفورا صدف لکھتی ہیں کہ ایک وقت تھا جب اس گولے کی آواز پر سحری اور افطاری کرتے تھے اور اب ٹی وی لگا کے اذان کا انتظار کرتے ہیں۔