ملک میں خام تیل کی درآمدات میں جاری مالی سال کے دوران سالانہ بنیادوں پراضافہ ریکارڈ کیا گیا ہے۔
یہ بھی پڑھیں: خام تیل مہنگا، کیا پیٹرول کی قیمت میں بڑا اضافہ ہونے والا ہے؟
ادارہ شماریات پاکستان کے اعدادوشمارکے مطابق جاری مالی سال کے پہلے 8 ماہ میں خام تیل کی درآمدات پر3.56ارب ڈالرزرمبادلہ خرچ ہوا جو گزشتہ مالی سال کی اسی مدت کے مقابلہ میں 7 فیصد زیادہ ہے۔ گزشتہ مالی سال کی اسی مدت میں خام تیل کی درآمدات پر3.35ارب ڈالرزرمبادلہ خرچ ہوا تھا۔
فروری میں خام تیل کی درآمدات کاحجم 443ملین ڈالرریکارڈ کیا گیا جو گزشتہ سال فروری کے مقابلے میں 19 فیصد زیادہ ہے۔ گزشتہ سال فروری میں خام تیل کی درآمدات پر374ملین ڈالر زرمبادلہ خرچ ہواتھا۔ جنوری کے مقابلے میں فروری میں خام تیل کی درآمدات میں ماہانہ بنیادوں پردوفیصداضافہ ہوا ہے۔
جنوری میں خام تیل کی درآمدات پر436 ملین ڈالرخرچ ہوئے تھے۔
مزید پڑھیے: پاکستان کا روس سے خام تیل، پیٹرول اور ڈیزل درآمد کرنے کا فیصلہ
واضح رہے کہ جاری مالی سال کے پہلے 8ماہ میں پیٹرولیم مصنوعات کی مجموعی درآمدات کاحجم 10.70ارب ڈالرریکارڈکیا گیا ہے جو گزشتہ مالی سال کی اسی مدت کے 10.57ارب ڈالرکے مقابلے میں 1.2 فیصدزیادہ ہے۔
