افغان عبوری حکومت کی دعوت پر نائب وزیراعظم و وزیر خارجہ ایک اعلیٰ سطحی وفد کے ساتھ کل کابل کا دورہ کریں گے۔
اپنے ایک روزہ دورے میں وہ افغان وہ قائم مقام افغان وزیر اعظم ملا محمد حسن اخند، قائم مقام نائب وزیراعظم برائے معاشی امور ملا عبد الغنی برادر اور قائم مقام وزیر خارجہ امور خان متقی کے ساتھ وفود کی سطح پر مذاکرات کریں گے۔
یہ بھی پڑھیں:امریکی وزیر خارجہ اور اسحاق ڈار کا رابطہ، افغانستان میں فوجی سامان کا معاملہ حل کرنے پر اتفاق
مذاکرات میں تجارت، سکیورٹی اور عوامی رابطوں سمیت تمام امور زیر بحث آئیں گے۔ نائب وزیراعظم کا دورہ پاکستان کے اس عہد کا عکاس ہے کہ پاکستان برادر ملک افغانستان کے ساتھ مسلسل مذاکرات جاری رکھنا چاہتا ہے ۔
یاد رہے کہ وزارتِ خارجہ کا قلمبند سنبھالنے کے بعد اسحاق ڈار کا یہ پہلا دورہ افغانستان ہے۔
علاوہ ازیں نائب وزیراعظم و وزیر خارجہ اسحاق ڈار نے کل دورہ افغانستان کے حوالے سے ایک بین الوزارتی اعلیٰ سطحی اجلاس کی صدارت کی۔
افغانستان کے لیے پاکستان کے نمائندہ خصوصی ایمبیسڈر محمد صادق، وزیراعظم کے معاون خصوصی طارق باجوہ، تجارت، ریلوے، داخلہ کے وفاقی سیکرٹریز، ایف بی آر اور وزارت خارجہ کے سینئر حکام نے اجلاس میں شرکت کی۔
اجلاس میں میں دورہ کابل کے حوالے سے تمام پہلوؤں پر غور و خوض کیا گیا خاص طور پر دو طرفہ تعاون اور علاقائی رابطہ کاری کے حوالے سے موضوعات پر بات چیت کی گئی۔
