وفاقی وزیر اطلاعات ونشریات مریم اورنگزیب نے کہا ہے کہ ’مجھے بے حد خوشی ہے کہ پی ٹی وی فلکس کا آغاز کر دیا گیا ہے۔ جولائی 2022 سے اوٹی ٹی وڈیو سٹریمنگ کی شروعات ہوئیں جس کے ذریعے ناظرین پوری دنیا سے پی ٹی وی کی وسیع لائیبریری تک رسائی حاصل کر سکتے ہیں۔ جہاں ٹی وی شوز، ڈرامے، ڈاکومینٹریز، سپورٹس اور دیگر پروگرام شامل ہیں۔
ٹوئٹر پر جاری اپنے پیغام میں انہوں نے کہا کہ ’یہ منصوبہ میرے دل کے بہت قریب ہے اور دلی اطمینان اور مسرت کا باعث ہے کہ آج اس کا باضابطہ اعلان کر رہی ہوں۔ پی ٹی وی نے گزشتہ کئی برس میں جو کمال تخلیقات کی ہیں وہ قومی خزانے کا درجہ رکھتی ہیں۔
Delighted to launch #PTVFlix today, initiated and started in July 2022 ,a new video streaming OTT platform on which users globally can access PTV's vast library of content, including TV shows, dramas, documentaries, sports, and other programs. This initiative is very close to my… pic.twitter.com/NQ73sOMGMw
— Marriyum Aurangzeb (@Marriyum_A) April 30, 2023
’دھوپ کنارے اور عینک والا جن جیسے یادگار ڈرامے ہماری اجتماعی یاد کا حصہ بن چکے ہیں۔ پی ٹی وی فلکس پرانے اور آج کے دور کے تمام پروگراموں کی اس بڑی لائیبریری کو ناظرین تک پہنچائے گا‘۔
’نوجوان نسل اس کے ذریعے ماضی کے شائقین کے پسندیدہ اور ناقابل فراموش پروگرام دیکھ پائیں گے جنہوں نے اپنی صلاحیتوں سے کئی نسلوں کو متاثر کیا۔ یہ ایپ آئی او ایس اور اینڈ رائیڈ پر ڈاؤن لوڈ کی جاسکتی ہے۔
وزیر اطلاعات نے کہا ’میری گزارش ہے کہ آپ سب یہ لنک ڈاؤن لوڈ کریں اور اسے استعمال کریں۔ میں پی ٹی وی اور وزارت اطلاعات و نشریات کی تمام ٹیم کو بھرپور محنت سے اس آئیڈیا کو عملی شکل دینے پر مبارک پیش کرتی ہوں۔
انہوں نے کہا کہ ہمارے لیجنڈ فنکاروں بشریٰ انصاری، جاوید شیخ اور خالد عباس ڈار کا خاص طور پر شکریہ جنہوں نے افتتاحی تقریب میں شرکت کی۔
فواد چوہدری نے بھی نیٹ فلکس کا پاکستانی ورژن شروع کرنے کا اعلان کیا تھا:
اکتوبر 23 سن 2023 کو اس وقت کے وزیر سائنس ٹیکنالوجی فواد چوہدری نے بہت جلد ملک میں نیٹ فلکس کا پاکستانی ورژن شروع کرنے کا اعلان کیا تھا۔
پاکستان کا پہلا OTT لانچ ہونے جا رہا ہے، (Netflix کی طرز پر) ہم نے ٹیکنالوجی کا معاملہ حل کر لیا ہے PEMRA کو کہا ہے کہ وہ Content پر گائیڈ لائین تیار کر لے جوں ہی پیمرا کی گائیڈ لائیں ملتی ہے ہم پارئیویٹ کمپنیز سے کہیں گے کہ ہمارے ساتھ ملیں اور OTT سروس شروع کریں
— Ch Fawad Hussain (@fawadchaudhry) October 23, 2020
ٹوئٹر پر اپنے پیغام میں وزیر سائنس ٹیکنالوجی فواد چوہدری نے کہا تھا کہ ’پاکستان کا پہلا OTT لانچ ہونے جا رہا ہے۔ (نیٹ فلکس کی طرز پر) ہم نے ٹیکنالوجی کا معاملہ حل کرلیا ہے۔ پیمرا کو کہا ہے کہ وہ مواد (کانٹینٹ) پر گائیڈ لائن تیار کرے، جیسے ہی پیمرا کی گائیڈ لائن ملتی ہے ہم نجی کمپنیز سے کہیں گے کہ ہمارے ساتھ ملیں اور OTT سروس شروع کریں‘۔
