پاکستان نے ہندوستان کے غیر قانونی طور پر مقبوضہ جموں و کشمیر میں پہلگام حملے کے واقعے سے متعلق پیشرفت اور بھارت کے بے بنیاد الزامات و غیر مناسب اقدامات پر سعودی عرب کو اعتماد میں لے لیا۔
وزارت خارجہ کے بیان کے مطابق نائب وزیراعظم و وزیر خارجہ سینیٹر محمد اسحاق ڈار کو جمعے کے روز سعودی وزیر خارجہ شہزادہ فیصل بن فرحان کی فون کال موصول ہوئی جس کے دوران علاقائی صورتحال پر بھی تبادلہ خیال کیا۔
یہ بھی پڑھیں: پاکستان کسی بھی میلی آنکھ سے دیکھنے والے کو منہ توڑ جواب دے گا، اسحاق ڈار
دونوں رہنماؤں نے دو طرفہ تعلقات کی موجودہ صورتحال پر اطمینان کا اظہار کیا۔ سینیٹر اسحاق ڈار نے شہزادہ فیصل کو بھارت کی طرف سے اعلان کردہ یکطرفہ اقدامات کے تناظر میں پاکستان کی قومی سلامتی کمیٹی کے فیصلوں سے آگاہ کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 today received a call from the Foreign Minister of the Kingdom of Saudi Arabia, Prince Faisal bin Farhan @FaisalbinFarhan.
The two leaders expressed satisfaction at the current status of bilateral… pic.twitter.com/0raIAQJa9U
— Ministry of Foreign Affairs – Pakistan (@ForeignOfficePk) April 25, 2025
اسحاق ڈار نے بھارت کے بے بنیاد الزامات کو مسترد کرتے ہوئے کسی بھی جارحیت کا مضبوطی سے جواب دینے کے پاکستان کے عزم کا اعادہ کیا۔
مزید پڑھیے: ’بھارتی فضائیہ الرٹ‘: لڑاکا طیارہ اپنی ہی آبادی پر بم گرابیٹھا
دونوں رہنماؤں نے بدلتی ہوئی علاقائی صورتحال پر مشاورت اور رابطہ جاری رکھنے پر اتفاق کیا۔
دفتر خارجہ میں قائم آپریشن روم کا دورہ
وزیرخارجہ نے پاک بھارت تعلقات میں پیشرفت کی نگرانی کے لیے وزارت خارجہ میں قائم آپریشن روم کا دورہ کیا۔
مزید پڑھیں: پہلگام حملے کو بھارت کی چال قرار دینے پر آسام کے رکن اسمبلی گرفتار
اسحاق ڈار نے ڈیوٹی پر موجود افسران سے بات چیت کی اور ان کی چوکسی اور تیاری کی تعریف کی۔
