مقبوضہ کشمیر کے علاقے پہلگام میں سیاحوں پر حملے کے واقعے کے بعد بھارت کی طرف سے پاکستان پر بے بنیاد الزامات لگائے جانے پر پاکستانی فنکار بول پڑے ہیں۔
مختلف سیلیبریٹیز نے سوشل میڈیا پر اپنے پیغامات میں بھارت کی طرف سے لگائے جانے والے ان الزامات کو مسترد کیا اور پاکستان کیساتھ کھڑے ہونے کے عزم کا اعادہ کیا۔
شمعون عباسی اور یاسر نواز نے انسٹاگرام پر بھارت کے جنگی جنون پر تنقید کی تو فرحان سعید اور عمیر جسوال نے بھارتی پروپیگنڈے کو بے وقوفانہ قرار دیا۔
View this post on Instagram
شمعون عباسی نے کہا کہ وہ اس حملے میں ضائع ہونے والی جانوں پر تعزیت کرتے ہیں لیکن جو چیز غلط ہے وہ یہ ہے کہ بھارتی میڈیا بغیر صحیح تحقیق کے اتنا جعلی پروپیگنڈا کر رہا ہے۔
ان کا کہنا تھا کہ انہوں نے اپنی بات کہنے سے پہلے پوری صورت حال کو سمجھنے کا وقت لیا جبکہ بھارتی میڈیا صرف جنونیت کی پروپیگنڈہ کر رہا ہے۔
View this post on Instagram
دوسری طرف یاسر نواز نے بھی ایک ویڈیو شیئر کی اور کہا، ‘بھارتیوں کو کیا خیال ہے؟ کیا ہم نے چوڑیاں پہن رکھی ہیں؟ اگر آپ ایٹمی طاقت ہیں تو ہم بھی ایٹمی طاقت ہیں۔ سیاسی اختلافات ایک طرف، ہم سب اپنے ملک کے لیے کھڑے ہیں۔’
