پاکستان کرکٹ ٹیم کے سابق آل راؤنڈر اور موجودہ اسسٹنٹ کوچ اظہر محمود نے قومی ٹیم کے ہیڈ کوچ کے عہدے کے لیے درخواست دینے کا ارادہ ظاہر کیا ہے۔
کرکٹ تجزیہ کار ساجد صادق کی جانب سے سوشل میڈیا پلیٹ فارم ایکس پر شیئر کی گئی ایک ویڈیو میں اظہر محمود نے کہا کہ میں پاکستان کے ہیڈ کوچ کے عہدے کے لیے ضرور درخواست دوں گا۔
Azhar Mahmood “I will definitely apply for the role of Pakistan Head Coach” #Cricket pic.twitter.com/hewOlhTDMT
— Saj Sadiq (@SajSadiqCricket) April 30, 2025
مزید پڑھیں: ’وہ ایک مسخرا ہے‘، جیسن گلیسپی کی ہیڈ کوچ عاقب جاوید پر کڑی تنقید
اظہر محمود ماضی میں پاکستان ٹیم کے بؤلنگ کوچ کے طور پر خدمات انجام دے چکے ہیں، انہوں نے اپنے تجربے اور عزم کا اظہار کرتے ہوئے اس اہم عہدے کے لیے دلچسپی ظاہر کی ہے۔
اظہر محمود کا کہنا ہے کہ وہ اپنی درخواست جلد جمع کرائیں گے اور امید رکھتے ہیں کہ ان کے تجربے اور مہارت کو مدنظر رکھتے ہوئے انہیں یہ ذمہ داری سونپی جائے گی۔ پاکستان کرکٹ بورڈ نے 4 مئی تک ہیڈ کوچ کے لیے درخواستیں طلب کی ہوئی ہیں۔
