انسپکٹر جنرل پولیس (آئی جی) پنجاب کے ترجمان نایاب حیدر کو عہدے سے ہٹا دیا گیا۔
سی سی پی او کے ساتھ پبلک ریلیشن آفیسر (پی آر او) کی ذمہ داریاں نبھانے والے مبشر حسن کو آئی جی کا ترجمان تعینات کر دیا گیا ہے۔
آئی جی پنجاب کے ترجمان نایاب حیدر کو حساس ادارے کے اہلکار کو تشدد کا نشانہ بنانے پر عہدے سے ہٹایا گیا ہے۔
واضح رہے کہ نایاب حیدر اور اس کے ساتھیوں نے چند روز قبل حساس ادارے کے اہلکار اور اہل خانہ کو تشدد کا نشانہ بنایا تھا جس کے بعد پولیس نے نایاب حیدر کو بیٹے اور دیگر 2 افراد کے ساتھ حراست میں لیا تھا۔
بعد ازاں پولیس نے ملزم نایاب حیدر اور ان کے بیٹے کو مقامی عدالت میں پیش کیا جہاں ان کا جسمانی ریمانڈ منظور کیا گیا تھا۔
یہ بھی یاد رہے کہ حساس ادارے کے اہلکار اور اہل خانہ کوتشدد کا نشانہ کے جرم میں 6 نامزد اور 15 نامعلوم افراد کے خلاف مقدمہ درج کیا گیا تھا۔
