بھارت کی جانب سے پاکستان پر میزائل حملے کی تصدیق کردی گئی۔
ہندوستانی فوج کے مطابق آپریشن سندھور میں پاکستان اور آزاد کشمیر میں مجموعی طور پر 9 مقامات کو نشانہ بنایا گیا ہے۔
پریس ریلیز میں کہا گیا ہے کہ پہلگام حملے کے جواب میں یہ اقدام اٹھایا گیا ہے، ہم اس عزم پر قائم ہیں کہ اس حملے کے ذمہ داروں کا احتساب کیا جائے گا۔
واضح رہے کہ بھارت کی جانب سے پاکستان میں 6 مقامات پر میزائل داغے گئے ہیں، جس کے نتیجے میں معصوم بچے سمیت 8 افراد شہید ہوگئے۔
پاکستان کی جانب سے بھرپور جوابی کارروائی کرتے ہوئے دشمن کے 6 جہاز مار گرانے کے علاوہ انڈین بریگیڈ ہیڈکوارٹر بھی تباہ کردیا گیا۔
