بھارتی ڈرونز کو وار ٹرافی کے طور پر لگانے کا اعلان کرتے ہوئے وزیر اطلاعات عطا تارڑ نے بھارت پر واضح کیا ہے کہ حملوں کا جواب آئے گا اور ضرور آئے گا، وقت کا تعین خود کریں گے کہ جواب کب دینا ہے۔
قومی اسمبلی میں اظہار خیال کرتے ہوئے وزیر اطلاعات و نشریات عطا تارڑ کا کہنا تھا کہ جیٹ طیارے گرنے کے بعد بھارت اب بیک فٹ پر ہے، بات جہاز کی نہیں بلکہ ہمت کی ہوتی ہے، اب بغیر بندوں کے ڈرون بھیج رہے ہیں جو اسرائیلی ساختہ ہیں۔
ریفائل جیٹس پر بھارت کو بڑا ناز تھا، جب بھارت نے پاکستان کی طرف میلی آنکھ سے دیکھا تو ہماری مسلح افواج نے منہ توڑ جواب دیا، بھارت کے صرف طیارے نہیں گرے، یہ پوری بھارتی قوم کا غرور گرا ہے، ان جہازوں کے ساتھ بھارتی قوم کا مورال گرا ہے، ریفائل کمپنی والے بھی پوچھ رہے ہیں کہ بھارت نے… pic.twitter.com/jafrq2I4WH
— Government of Pakistan (@GovtofPakistan) May 8, 2025
انہوں نے بتایا کہ پاکستان نے بھارت کی جانب سے بھیجے گئے 25 ڈرونز میں سے کچھ جام کیے اور باقی کو مار گرایا، عوام کو بتانا چاہتا ہوں کہ آپ کا دفاع مضبوط ہاتھوں میں ہے۔
یہ بھی پڑھیں:ڈرون حملوں کے بعد وزیراعظم ہاؤس میں اہم اجلاس جاری، نوازشریف بھی پہنچ گئے
وزیر اطلاعات و نشریات عطا تارڑ نے قومی اسمبلی کو بتایا کہ لائن آف کنٹرول پر بھارت کو ابھی تک بھاری نقصان کا سامنا ہے، جہاں چالیس پچاس بھارتی فوجیوں کی ہلاکت سمیت ان کا بریگیڈ ہیڈ کوارٹر بھی تباہ کیا گیا، بھارت نے شہری آبادی کو نشانہ بنایا۔
وزیر اطلاعات کا کہنا تھا کہ بھارت کو فرانسیسی ساختہ لڑاکا رافیل طیاروں پر بڑا ناز تھا لیکن اسے اپنے پاکستان مخالف ارادوں میں ہزیمت اور شرمندگی کا سامنا کرنا پڑا ہے، یہی وجہ ہے کہ انہیں اب خفت مٹانے کے لیے حکمت عملی تبدیل کی ہے۔
عطا تارڑ کا کہنا تھا کہ دشمن آپ کے خلاف بہترین ٹیکنالوجی لاتا ہے، وہ سمجھتے تھے کہ خدانخواستہ پاکستان کا بہت نقصان کردیں گے، افواج پاکستان نے منہ توڑ جواب دیا ہے۔، یہ طیارے نہیں گرے بلکہ بھارت کا غرور اور ناز گرا ہے۔
مزید پڑھیں:’بدلہ تو ابھی باقی ہے‘، بھارتی ڈرونز گرانے پر سوشل میڈیا پر پاک فوج کے حق میں پیغامات
وزیر اطلاعات نے کہا کہ ہم اپنے شاہینوں کو اس ایوان سے سلام پیش کرتے ہیں، پہلی دفعہ چائے پلائی تھی، اس دفعہ بھی چائے تیار تھی، دشمن بھاگ گیا اس لیے ہوم ڈیلیوری کی ہے۔
وزیر اطلاعات کے مطابق لائن آف کنٹرول پر سفید جھنڈا لہرایا گیا تو پوری دنیا نے دیکھا، وہ سفید جھنڈا پاکستان کی فتح کی نشانی تھی، بھارت کا اپنا ڈرون گوردوارے کے اوپر گرا، یہ سکھوں کو ٹارگٹ کر کے بھارت کیخلاف جذبات ابھارنا چاہتے ہیں۔
