خیبرپختونخوا کے وزیر حکومت پختون یار خان نے کردار کشی کرنے پر گورنر خیبرپختونخوا فیصل کریم کنڈی، سابق وزیر بلدیات عنایت اللہ خان اور دیگر کو قانونی نوٹس بھیجنے کا اعلان کردیا۔
اپنے ایک ویڈیو بیان میں انہوں نے کہاکہ مجھ پر جو الزامات لگائے گئے ہیں، ان کا جواب دیا جائے، قانونی چارہ جوئی کا حق محفوظ رکھتا ہوں۔
واضح رہے کہ میڈیا پر خبریں سامنے آئی تھیں کہ صوبائی وزیر پختون یار کے حجرے پر چھاپے کے دوران 10 افراد کو گرفتار کیا گیا ہے، جہاں مبینہ طور پر اساتذہ کی بھرتیوں کے لیے پرچے حل کیے جارہے تھے۔
صوبائی وزیر پختون یار خان کا گورنر خیبرپختونخوا فیصل کریم کنڈی,سابق وزیر بلدیات عنایت اللہ خان اور دیگر افراد کو کردار کشی اور جھوٹے الزامات پر قانونی نوٹس بھیجنے کا فیصلہ pic.twitter.com/xFoJvHA5Ww
— WE News (@WENewsPk) May 11, 2025
میڈیا رپورٹس میں کہا گیا ہے کہ کارروائی کے دوران امتحانی پرچے اور جوابی شیٹس کے ساتھ ساتھ ایک لیپ ٹاپ، پرنٹر اور کمپیوٹر بھی ضبط کرلیا گیا۔
صوبائی وزیر پختون یار خان خود پر لگائے گئے الزامات کی تردید کررہے ہیں، جبکہ گورنر فیصل کریم کنڈی اور دیگر نے کہا ہے کہ وہ میرٹ کی پامالی کا جواب دیں۔
پختون یار خان کا کہنا ہے کہ میرا تعلق میرٹ کی بالادستی قائم رکھنے والی جماعت سے ہے، مجھ پر جو الزامات عائد کیے جا رہے ہیں ان کا حقیقت سے کوئی تعلق نہیں۔
یہ بھی پڑھیں کوئی نوکری بیچے گا تو ذمہ دار میں ہوں گا، نو منتخب وزیر اعلیٰ بلوچستان، حلف اٹھالیا
انہوں نے کہاکہ اس حوالے سے انکوائری کمیٹی کا خیرمقدم کرتا ہوں، تحقیقات کے بعد حقیقت سامنے آ جائےگی۔
