بالی وڈ اداکارشاہ رخ خان نے ممبئی ائیر پورٹ پر سیلفی لینے کی کوشش کرنے پر مداح کا فون ہاتھ سے دھکیل دیا۔
بالی ووڈ کے کنگ خان اپنی آنے والی فلم ’ڈنکی‘ کی شوٹنگ کشمیر میں مکمل کرنے کے بعد ممبئی ائیر پورٹ پر پہنچے تو مداحوں کے ہجوم نے انہیں گھیر لیا۔
سوشل میڈیا پر جاری کی گئی ویڈیو میں دیکھا جا سکتا ہے کہ جیسے ہی شاہ رخ خان ائیر پورٹ سے باہر نکلتے ہیں، ان کے دائیں جانب سفید اور سیاہ پینٹ کوٹ میں ملبوس مداح سلیفی لینے کے لیے موبائل اوپر کرتا ہے، شاہ رخان اس کا بازو پکڑ کر موبائل نیچے کر دیتے ہیں۔
اداکار کے گارڈز بھی مداح کو پیچھے دھکیل دیتے ہیں۔ شاہ رخ خان اپنی گاڑی میں بیٹھنے کے لیے آگے بڑھتے ہیں لیکن مداح کو سیلفی نہ لینے کے باوجود گاڑی تک ان کے پیچھے آتا دیکھا جا سکتا ہے۔
View this post on Instagram
سوشل میڈیا پر ویڈیو دیکھنے کے بعد کچھ صارفین نے غم و غصے کا اظہار کیا تو کچھ نے شاہ رخ خان کی حمایت کی۔
ایک صارف نے لکھا کہ ایس آر کے! یہ مت بھولو ہم فینز کی وجہ سے تم یہاں تک ہو۔ایک صارف نے سوال کیا کہ اب پٹھان چل گئی ہے تو اکڑ آگئی ہے؟
ایک اور صارف نے مداح کو مخاطب کرتے ہوئے لکھا کہ وہ آدمی ابھی اس کے پیچھے آرہا ہے۔
ایک صارف نے لکھا کہ اب ایس آر کے کی پی آر ٹیم ان کی موٹیویشنل تقریروں کی 1000ویڈیوز پوسٹ کرے گی۔
شاہ رخ خان کی ویڈیو پر تبصرہ کرنے والے افراد کو ایک صارف نے پیغام دیا کہ وہ فلمیں ’دل والے دلہنیا لے جائیں گے‘ اور ’کچھ کچھ ہوتا ہے‘ دوبارہ دیکھیں تو شاہ رخ خان کی محبت میں گرفتار ہو جائیں گے۔
ممبئی کے ائیر پورٹ پر پیش آنے والے حالیہ واقعہ کے حوالے سے ایک صارف نے شاہ رخ خان کی حمایت میں لکھا کہ معذرت ہر کوئی اسے بدتمیز کہہ رہا ہے۔
اگر آ پ کو کوئی مسلسل کلک کر رہا ہے،آپ سے پوچھے بغیر تو آپ کو کیسا لگے گا۔ کسی کے ساتھ تصویر لینے سے پہلے پوچھنا بنیادی آداب میں سے ایک ہے۔
مزید پڑھیے:کیا شاہ رخ خان کا اپنی اہلیہ سے جھگڑا ہوا؟ویڈیو وائرل
