وزیراعظم شہباز شریف نے کہا ہے کہ پاک بھارت کشیدہ صورتحال کے دوران فیلڈ مارشل سید عاصم منیر کا جذبہ اور عزم مثالی تھا، ، آپریشن بنیان مرصوص کے دوران فیلڈ مارشل عاصم منیر نے قائدانہ کردار ادا کیا،افواج پاکستان نے اپنی سرحدوں کا دفاع کیا اور دشمن کو بھرپور جواب دیا۔
یہ بھی پڑھیں: آرمی چیف سید عاصم منیر کو بیٹن آف فیلڈ مارشل سے نواز دیا گیا
آرمی چیف سید عاصم منیر کو بیٹن آف فیلڈ مارشل دینے کی تقریب سے خطاب کرتے ہوئے وزیراعظم شہباز شریف نے کہا کہ آج ہم یہاں مادر وطن کے لیے شاندار خدمات پر آرمی چیف و فلیڈ مارشل سید عاصم منیر کو خراج تحسین پیش کرنے کے لیے جمع ہیں، ہم اپنے قومی ہیروز آرمی چیف، چیفس آف اسٹاف کمیٹی جنرل ساحر شمشاد مرزا اور ایئرچیف اور نیول چیف کو سلام پیش کرتے ہیں۔
فیلڈ مارشل کا بیج لگ گیا۔۔
pic.twitter.com/6s3yR9gjUh— Waseem Abbasi (@Wabbasi007) May 22, 2025
وزیراعظم نے کہا کہ ہم نے جارحیت کرنے والے دشمن کو گھٹنے ٹیکنے پر مجبور کیا اور اسے سبق سکھایا، افواج پاکستان نے اپنی سرحدوں کا دفاع کیا اور دشمن کو بھرپور جواب دیا، ہم اپنے ہیروز کی خدمات کے معترف ہیں، فیلڈ مارشل عاصم منیر نے نئی تاریخ رقم کی ہے، پاکستان نے اللہ کی مدد سے دشمن کے خلاف تاریخی فتح حاصل کی۔
انہوں نے کہا کہ افواج پاکستان نے دشمن کے غرور کو خاک میں ملایا، کشیدہ صورتحال کے دوران فیلڈ مارشل سید عاصم منیر کا جذبہ اور عزم مثالی تھا، وطن عزیز کے لیے فیلڈ مارشل کی خدمات کو خراج تحسین پیش کرتے ہیں۔
یہ بھی پڑھیں: پاکستان کے عوام ہماری طاقت کا سرچشمہ ہیں، فیلڈ مارشل کا کورکمانڈرز کانفرنس سے خطاب
شہباز شریف کا کہنا تھا کہ ملکی خود مختاری اور سلامتی کے لیے فیلڈ مارشل کا کردار بہت اہم ہے، آپریشن بنیان مرصوص کے دوران فیلڈ مارشل عاصم منیر نے قائدانہ کردار ادا کیا، قوم کے بہادر سپوت فیلڈ مارشل عاصم منیر نے نئی تاریخ رقم کی۔
اس سے قبل آرمی چیف سید عاصم منیر کو ’بیٹن آف فیلڈ مارشل‘ سے نوازا گیا۔
بیٹن آف فیلڈ مارشل دیے جانے کی تقریب اسلام آباد میں ایوان صدر میں ہوئی، تقریب میں صدر پاکستان آصف علی زرداری، وزیراعظم شہباز شریف، نائب وزیراعظم اسحاق ڈار، سابق وزیراعظم نواز شریف، چیئرمین پیپلزپارٹی بلاول بھٹو زرداری شریک اور دیگر وفاقی وزرا نے شرکت کی۔
سروسز چیفس، صوبائی گورنرز اور ارکان پارلیمنٹ کی بڑی تعداد، غیر ملکی سفارتکار، سول وعسکری حکام بھی تقریب میں موجود ہیں۔
صدر مملکت آصف علی زرداری اور ان کے ساتھ کھڑے وزیراعظم شہباز شریف نے’بیٹن آف فیلڈ مارشل‘ پاک افواج کے سپریم کمانڈر عاصم منیر کے حوالے کی۔
