پاکستان شوبز کی خوبرو اداکارہ ایمن خان ایک بار پھر سوشل میڈیا صارفین کی توجہ کا مرکز بن گئیں۔
حال ہی میں ایمن خان کی ایک ویڈیو سوشل میڈیا پر وائرل ہو رہی ہے جس میں انہیں ایک برانڈ لانچ کی تقریب میں شریک دیکھا جا سکتا ہے۔ جس میں انہوں نے سیاہ لباس پہن رکھا تھا۔
اس تقریب کی ویڈیوز سوشل میڈیا پر وائرل ہوئیں تو انہیں دیکھ کر مداحوں میں یہ چہ مگوئیاں شروع ہوگئیں کہ ایمن خان تیسری بار ماں بننے والی ہیں۔ اور یہ خاندان جلد ہی ایک نئے رکن کا استقبال کرے گا۔
View this post on Instagram
کئی سوشل میڈیا صارفین انہیں اس پر مبارکباد دیتے نظر آئے تو چند صارفین ایسے بھی تھے جنہوں نے دوپٹہ نہ لینے کی وجہ سے اداکارہ کو تنقید کا نشانہ بنایا اور کہا کہ ایسی حالت میں دوپٹے کے بغیر باہر آنا اچھا نہیں ہے۔
واضح رہے کہ ایمن خان اور منیب بٹ دو انتہائی باصلاحیت اداکار ہیں، دونوں کی جوڑی کو پاکستانی خوب پسند کرتے ہیں۔ دونوں کے سوشل میڈیا پر مضبوط فالوورز ہیں، ایمن خان کے انسٹاگرام پر 12.1 ملین اور منیب بٹ کے 5 ملین سوشل میڈیا فالوورز ہیں۔
منیب بٹ اور ایمن خان سوشل میڈیا پر ایکٹیو ہیں اور وقتاً فوقتاً پوسٹس شیئر کرتے رہتے ہیں، اس جوڑی کو اللہ نے 2 پیاری بیٹیوں امل اور میرال سے نوازا ہے۔ ایمن خان اور منیب بٹ کی شادی نومبر 2018 میں ہوئی تھی، جبکہ 30 اگست 2019 کو ان کے ہاں پہلی بیٹی کی پیدائش ہوئی تھی جس کا نام امل رکھا گیا تھا جبکہ ان کے ہاں دوسری بیٹی میرال کی پیدائش 2023 میں ہوئی تھی۔
