بینک الفلاح نے یادیہ (Yadea) کے ساتھ مل کر الیکٹرک بائیک کی خریداری کے لیے ایک جدید اور آسان فنانسنگ پروگرام شروع کیا ہے۔
اس پروگرام کے تحت صارفین یادیہ کی ای بائیک بینک الفلاح کے پرسنل لون کے ذریعے بغیر کسی ڈاؤن پیمنٹ، بیمہ کی پابندیوں یا لین مارکنگ کے خرید سکتے ہیں۔
یہ پیشکش اس وقت کراچی کے زَمزما میں واقع بینک الفلاح کے ڈیجیٹل برانچ کے ذریعے دستیاب ہے، جہاں صارفین ذاتی طور پر گئے بغیر براہ راست ڈیجیٹل پلیٹ فارم سے درخواست دے سکتے ہیں۔
یہ بھی پڑھیے: وزیراعلیٰ پنجاب مریم نواز نے طلبا و طالبات کو مزید ای بائیکس دینے کا اعلان کردیا
اس پروگرام کے اہم فوائد میں ڈاؤن پیمنٹ اور بیمہ کی شرط کا نہ ہونا شامل ہے۔
اس پروگرام کا مقصد الیکٹرک گاڑیوں کی ملکیت کو مزید آسان بنانا ہے تاکہ ایسے افراد بھی اس سہولت سے فائدہ اٹھا سکیں جو روایتی فنانسنگ کے معیار پر پورا نہیں اترتے۔
پروگرام سے استفادہ حاصل کرنے کے خواہش مند صارفین بینک الفلاح کے واٹس ایپ چینل کے ذریعے اپنی درخواست دے سکتے ہیں۔ مزید تفصیلات اور آن لائن درخواست فارم کے لیے بینک الفلاح کی سرکاری ویب سائٹ وزٹ کیا جاسکتا ہے۔
