وزیر خارجہ بلاول بھٹو زرداری نے بھارت کے شہر گوا میں روسی ہم منصب سرگئی لاوروف سے ملاقات کی ہے۔
یہ ملاقات بھارت میں ہونے والی شنگھائی تعاون تنظیم کے وزرائے خارجہ اجلاس کے موقع پر ہوئی۔
ملاقات کے دوران باہمی دلچسپی کے دوطرفہ، علاقائی اور بین الاقوامی امور پر تبادلہ خیال کیا گیا۔
وزیر خارجہ بلاول بھٹو اور روسی ہم منصب کے درمیان فوڈ سیکیورٹی، توانائی اور عوام کے درمیان رابطوں میں تعاون کو مزید گہرا کرنے کے لیے مل کر کام کرنے پر اتفاق ہوا ہے۔
اس موقع پر بلاول بھٹو نے کہا کہ ایس سی او نے روس کے ساتھ تعاون اور ہم آہنگی کے نئے راستے کھولے ہیں۔
