افغان وزیر خارجہ مولوی امیر خان متقی کی قیادت میں ایک اہم افغان وفد آج اسلام آباد پہنچے گا۔
افغان وزارت خارجہ کے حکام کے مطابق افغان وزیر خارجہ مولوی امیر خان متقی کی قیادت میں ایک جامع سیاسی اور تجارتی وفد آج بروز جمعہ5 مئی کو اسلام آباد کے لیے پہنچے گا۔
افغانستان کی طالبان حکومت پاکستان کے ساتھ دوطرفہ سیاسی و تجارتی تعلقات، علاقائی استحکام اور افغانستان اور پاکستان کے درمیان راہداری پر جامع مذاکرات کرنا چاہتی ہے۔
اس کے علاوہ افغان وزیر خارجہ افغانستان، چین اور پاکستان کے وزرائے خارجہ کے چھٹے سہ فریقی اجلاس میں بھی شرکت کریں گے۔
اس دورے کے دوران افغانستان اور چین کے وزرائے خارجہ دو طرفہ بات چیت بھی کریں گے۔
