سینئر صحافی سہیل وڑائچ کا ایک ویڈیو کلپ سوشل میڈیا پر وائرل ہو رہا ہے جس میں انہوں نے اداکارہ و گلوکارہ فضا علی کے تبصرے کا جواب دیتے ہوئے کہا کہ ’میں اس قابل ہوں کہ میری توہین ہو‘۔
وائرل ہونے والی ویڈیو میں سہیل وڑائچ سے ان کے اور میزبان و اداکارہ فضا علی کے حالیہ تنازع پر سوال کیا گیا جس کے جواب میں ان کا کہنا تھا کہ نہ مجھے غصہ ہے اور نہ کسی سے نفرت۔ انہوں نے کہا کہ میں نے جتنا جواب دینا تھا وہ میں سماجی رابطوں کی سائٹ ایکس پر دے چکا ہوں۔
یہ بھی پڑھیں: ’صحافی نہ ہوتے تو واش روم صاف کرتے‘، فضا علی کے تبصرے پر سہیل وڑائچ بھی بول اٹھے
سہیل وڑائچ نے مزید کہا کہ میں چاہتا ہوں کہ یہ تنازعہ اب ختم ہو جائے کیونکہ میں خود غلطیوں کا پتلا ہوں۔ مجھے لگتا ہے میں ہی دنیا کا سب سے بڑا گناہگار ہوں گا اس لیے میں کسی کو اس کا ذمہ دار سمجھتا ہوں اور نہ چاہتا ہوں کسی کی توہین ہو۔ انہوں نے مزید کہا کہ میں اس قابل ہوں کہ میری توہین ہو۔
میں غلطیوں کا پتلا ہوں، مجھے لگتا ہے میں ہی دنیا کا سب سے بڑا گناہ گار ہونگا۔ میں اس قابل ہوں کہ میری توہین ہو۔ سہیل وڑائچ pic.twitter.com/IjKPpgsWFu
— Salman Durrani (@DurraniViews) June 16, 2025
ان کا یہ ویڈیو کلپ سوشل میڈیا پر وائرل ہوا تو صارفین کی جانب سے اس پر مختلف تبصرے کیے گئے۔ صحافی انصار عباسی نےکہا کہ آپ کے احترام اور عزت میں اضافہ ہو۔ یقیناً عزت اور ذلت صرف اور صرف اللہ تعالی ہی کے ہاتھ میں ہے۔
بہت خوب ورائچ صاحب! آپ کے احترام اور عزت میں اضافہ ہو۔ یقیناً عزت اور ذلت صرف اور صرف اللہ تعالی ہی کے ہاتھ میں ہے۔ https://t.co/LDaW9Hd5jK
— Ansar Abbasi (@AnsarAAbbasi) June 16, 2025
ایک صارف نے لکھا کہ اس میں کوئی شک نہیں ہے کہ آپ پاکستان کے پسندیدہ ترین صحافیوں میں سے ایک ہیں۔
No doubt he's one of Pakistan most favourite Journalists. Love u Warraich Sab💕#sohailwarraich #GeoNews https://t.co/cIWb2tpvX5
— Asim Kamal Wahid (@asim_pak07) June 16, 2025
محمد عمر خالد نے سہیل وڑائچ کو مخاطب کرتے ہوئے کہا کہ آپ عظیم انسان ہیں۔
@suhailswarraich sir you are great man https://t.co/oz8LZjjlIR
— M Umar Khalid محمدعمرخالد (@MUmarKhalid14) June 16, 2025
زمان مہر نے طنزاً لکھا کہ فضا علی نے آپ کو کافی دکھ دیا ہے۔
فضا علی نے کافی دکھ دیا😂 https://t.co/ELi6mPCvw3
— Zaman 𝕄𝕖𝕙𝕒𝕣 (@Mrinsafian) June 16, 2025
واضح رہے کہ اداکارہ و گلوکارہ فضا علی کو گزشتہ دنوں سینئر صحافی سہیل وڑائچ سے متعلق متنازع بیان دینے پر شدید تنقید کا سامنا کرنا پڑا جب انہوں ںے ایک پروگرام میں کہا کہ اگر سہیل وڑائچ صحافی نہ ہوتے تو کسی مشہور ہوٹل یا ریسٹورنٹ میں واش روم صاف کر رہے ہوتے، کیونکہ وہ ہر عورت کے واش روم میں چلے جاتے ہیں۔
فضا علی کے اس بیان کے بعد سوشل میڈیا صارفین نے ان کو خوب تنقہد کا نشانہ بنایا اور کہا کہ صحافی کی تضحیک کسی صورت قابل قبول نہیں۔ اداکارہ کے اس بیان پر سینئر صحافی نے جواب دیتے ہوئے کہا ہے کہ میری حیثیت بیت الخلا صاف کرنے والوں سے بھی کمتر ہے۔ میں تو گلیوں کی وہ خاک ہوں جسے میاں محمد بخش نے ’گلیاں دا روڑا کُوڑا‘ کہا تھا۔ میرے نزدیک بیت الخلا کی صفائی کوئی ذلت کی بات نہیں ہے بلکہ دوسروں کی گندگی کو صاف کرنا ایک عظیم خدمت ہے۔
