ایران اور اسرائیل کے درمیان جاری کشیدگی کے دوران امریکی صدر ڈونلڈ ٹرمپ نے ایران کے سپریم لیڈر آیت اللہ علی خامنہ ای کو براہِ راست دھمکی آمیز پیغام دے دیا ہے، جس میں انہوں نے کہا ہے کہ ہمیں معلوم ہے کہ نام نہاد ’سپریم لیڈر‘ کہاں چھپے ہوئے ہیں، وہ ایک آسان ہدف ہیں، لیکن فی الحال ہم انہیں قتل نہیں کریں گے۔
یہ بھی پڑھیں موساد کے اڈے پر ایسا میزائل مارا جس کا سراغ لگانا ممکن نہیں، ایران
ڈونلڈ ٹرمپ نے اپنے سوشل میڈیا پلیٹ فارم ’ٹروتھ سوشل‘ پر یہ پیغام جاری کیا جس میں انہوں نے کہا ہم یہ نہیں چاہتے کہ عام شہریوں یا امریکی فوجیوں پر میزائل داغے جائیں۔ ہمارا صبر ختم ہوتا جا رہا ہے۔
( @realDonaldTrump – Truth Social Post )
( Donald J. Trump – Jun 17, 2025, 12:19 PM ET )
We know exactly where the so-called “Supreme Leader” is hiding. He is an easy target, but is safe there – We are not going to take him out (kill!), at least not for now. But we don’t want… pic.twitter.com/CJljmslKfB
— Donald J. Trump 🇺🇸 TRUTH POSTS (@TruthTrumpPosts) June 17, 2025
اپنے ایک اور بیان میں ڈونلڈ ٹرمپ نے کہاکہ ایران کو غیر مشروط طور پر ہتھیار ڈال دینے چاہییں۔ اب ہمیں ایران کی فضائی حدود پر مکمل کنٹرول حاصل ہے۔
امریکی صدر نے کہاکہ ایران کے پاس اچھے فضائی ٹریکرز اور دیگر دفاعی ساز و سامان بڑی تعداد میں موجود تھا۔ ایران کا ساز و سامان امریکی سامان کا مقابلہ نہیں کر سکتا، کوئی بھی امریکا سے اچھا سامان نہیں بنا سکتا۔
یہ بیان ایسے وقت میں سامنے آیا ہے جب مشرق وسطیٰ میں ایران اور اسرائیل کے درمیان مسلح جھڑپیں شدت اختیار کر گئی ہیں۔ ایران نے حالیہ دنوں میں اسرائیل کے کئی شہروں پر بیلسٹک میزائل اور ڈرون حملے کیے جن میں مبینہ طور پر موساد اور اسرائیلی ملٹری انٹیلی جنس کے مراکز کو نشانہ بنایا گیا۔
اس سے قبل اسرائیل نے بھی ایران میں مختلف اہداف کو نشانہ بنایا، ان حملوں میں ایرانی ایٹمی سائنسدانوں اور اعلیٰ فوجی افسران کی شہادت ہوئی ہے۔ دونوں ممالک کے درمیان ممکنہ طور پر بھرپور جنگ کے خدشات عالمی سطح پر بڑھ چکے ہیں۔
یہ بھی پڑھیں اسرائیل۔ایران جنگ میں امریکی شمولیت کے کیا امکانات ہیں؟
امریکہ جو اسرائیل کا قریبی اتحادی ہے، ایران کو بارہا خبردار کر چکا ہے کہ وہ اسرائیل یا امریکی مفادات کو نشانہ نہ بنائے۔ تاہم یہ پہلا موقع ہے کہ امریکا کی کسی سابق اعلیٰ ترین شخصیت نے براہِ راست ایران کی قیادت کو قتل کی دھمکی دی ہے۔
