بالی ووڈ سپر اسٹار شاہ رخ خان کی ملکیت والی ٹیم ٹرنباگو نائٹ رائیڈرز (ٹی کے آر) نے کیریبین پریمیئر لیگ کے آئندہ سیزن کے لیے2 پاکستانی کھلاڑیوں کے ساتھ معاہدے کیے ہیں۔
بھارتی میڈیا کے مطابق شاہ رخ خان کی ملکیت والی ٹیم ٹرنباگو نائٹ رائیڈرز (ٹی کے آر) نے کیریبین پریمیئر لیگ کے آئندہ سیزن کے لیے2 پاکستانی کھلاڑیوں محمد عامر اور محمد عثمان طارق کے ساتھ معاہدے کی توثیق کر دی ہے۔
یہ بھی پڑھیں: 2009 ٹی20 ورلڈ کپ فائنل کے لیے محمد عامر نے کیا خصوصی تیاری کی تھی؟
محمد عامر لیگ میں پہلے بھی کیریبین پریمیئر لیگ کے 4 سیزن کھیل چکے ہیں اور 39 میچوں میں 18.09 کی اوسط سے 51 وکٹیں حاصل کرچکے ہیں۔ وہ اپنی سوئنگ اور خاص طور پر ڈیتھ اوورز میں مؤثر گیند بازی کے لیے مشہور ہیں۔
نوجوان فاسٹ بولر محمد عثمان طارق کو پہلی بار ویسٹ انڈین کنڈیشنز میں کھیلنے کا موقع مل رہا ہے۔ وہ پی ایس ایل 2025 میں کوئٹہ گلیڈی ایٹرز کی جانب سے 5 میچوں میں 10 وکٹیں لے کر نمایاں رہے تھے، اور اب ٹی کے آر کے بولنگ اٹیک میں نئی توانائی کا اضافہ کریں گے۔
یہ بھی پڑھیں: کرکٹ کی تاریخ میں پہلا ریڈ کارڈ مل گیا، یہ نیا قانون کیا ہے؟
ان معاہدوں سے نہ صرف شاہ رخ خان کے کھیلوں میں بڑھتے ہوئے کردار کا اظہار ہوتا ہے بلکہ یہ پاکستانی کرکٹرز کی بین الاقوامی سطح پر بڑھتی ہوئی قدر و قیمت کا بھی مظہر ہیں۔
