امریکی ریاست کیلیفورنیا کے علاقے ٹاہو کیز میں ایک خالی کیبن میں ماں ریچھ اور اس کا بچہ داخل ہو گئے اور ریفریجریٹر سے کھانے کی تلاش میں مصروف نظر آئے۔ یہ واقعہ سیکورٹی کیمرے میں ریکارڈ ہوگیا۔
ویڈیو میں دیکھا جا سکتا ہے کہ دونوں ریچھ سیدھے داخلی دروازے سے کیبن میں داخل ہوتے ہیں اور فوراً کچن کا رخ کرتے ہیں، وہاں پہنچ کر وہ ریفریجریٹر کھولتے ہیں اور اس میں موجود اشیا کو کھنگالنا شروع کر دیتے ہیں، یہاں تک کہ بند ڈبوں کو بھی کھولنے کی کوشش کرتے ہیں۔
خوش قسمتی سے اس واقعے کے وقت کیبن میں کوئی موجود نہیں تھا، یہ پہلا موقع نہیں کہ علاقے میں ریچھوں نے ایسی ’چوری‘ کی ہو۔ گزشتہ برس بھی ایک شہری، اسکاٹ کلاؤٹیئر، نے ایسی ہی ایک ویڈیو شیئر کی تھی جس میں ایک ریچھ ان کے ساؤتھ لیک ٹاہو کے کیبن میں گھس کر ریفریجریٹر سے جیلی کی بوتل نکال رہا تھا۔
پولیس حکام نے علاقے کے رہائشیوں کو محتاط رہنے اور کیبنز کو محفوظ رکھنے کی ہدایت دی گئی ہے تاکہ ایسے واقعات سے بچا جا سکے۔
