نیویارک سٹی کے میئر کے امیدوار زوہران مامدانی نے اپنی انتخابی تقریر میں کہا ہے کہ وہ صدر ڈونلڈ ٹرمپ کی سخت اور غیرمنصفانہ پالیسیوں کو مکمل طور پر مسترد کریں گے۔
Democrat Zohran Mamdani pledged to fight for working-class communities and resist President Donald Trump’s policies, after becoming the first Muslim to win the party’s nomination for New York mayor. pic.twitter.com/Jxs1qxtXfK
— The National (@TheNationalNews) June 25, 2025
ان کا کہنا تھا کہ ہم نے اس لیے کامیابی حاصل کی کیونکہ نیویارک کے لوگ ایسے شہر کے لیے کھڑے ہوئے ہیں جہاں وہ صرف گزارا نہ کریں بلکہ عزت سے زندگی گزار سکیں۔ جہاں رات بھر کام کرنے والے دن کو اپنے کام کے پھل سے لطف اندوز ہو سکیں۔
انہوں نے مزید کہا کہ ہم ایسا شہر بنائیں گے جہاں محنت کا بدلہ سکون بھری زندگی ہو۔ اور جہاں میئر اپنے اختیارات استعمال کر کے ٹرمپ کی پالیسیوں کو روکے گا۔ ہم ایسے شہر کی قیادت کریں گے جو ڈیموکریٹ پارٹی کے لیے مثال بنے۔
یہ بھی پڑھیں:نیویارک میئر کے لیے نامزد امیدوار ظہران ممدانی نے ’روٹی، کپڑا اور مکان‘ کا نعرہ لگادیا
ممدانی نے خاص طور پر امیگریشن پالیسیوں اور غیر قانونی تارکین وطن کی جبری بے دخلی کے خلاف آواز اٹھائی، اور کہا کہ وہ ICE ایجنٹس کی کارروائیاں روکنے کے لیے اقدامات کریں گے۔
واضح رہے کہ میئر کے لیے ہونے والی الیکشن کے ابتدائی نتائج میں ممدانی کو سبقت حاصل ہے اور امکان ظاہر کیا جا رہا ہے کہ اگلے ہفتے آنے والے حتمی نتائج میں بھی وہ واضح برتری برقرار رکھیں گے، خاص طور پر اس لیے کہ تیسرے نمبر پر آنے والے امیدوار بریڈ لینڈر نے اپنے حامیوں سے ممدانی کو دوسرے نمبر پر ووٹ دینے کی اپیل کی تھی۔
یہ الیکشن اس بات کا اشارہ بھی سمجھا جا رہا ہے کہ ڈیموکریٹک پارٹی کو آئندہ کن پالیسیوں پر توجہ دینی چاہیے، کیونکہ یہ صدر ٹرمپ کی دوسری مدت کے پانچویں مہینے میں ہو رہا ہے۔
