پنجاب اسمبلی نے مالی سال 26-2025 کے لیے 5300 ارب روپے کے تاریخی بجٹ کی منظوری دے دی ہے۔
اجلاس کے دوران فنانس بل 2025 بھی کثرت رائے سے منظور کیا گیا۔ اسمبلی نے 4 ہزار 329 ارب روپے سے زائد کے مطالبات زر بھی منظور کیے۔
پولیس کے لیے 200 ارب روپے، تعلیم کے لیے 137 ارب روپے، صحت کے لیے 258 ارب روپے، پنشن کے لیے 462 ارب روپے، ترقیاتی منصوبوں کے لیے 910 ارب روپے، سڑکوں اور پلوں کے لیے 120 ارب روپے رکھے گئے ہیں۔
یہ بھی پڑھیے: قومی اسمبلی میں مالی سال 26-2025 کا بجٹ منظور، اپوزیشن کی تحاریک کثرت رائے سے مسترد
اجلاس میں اپوزیشن کی جانب سے 8 محکموں سے متعلق جمع کرائی گئی کٹوتی کی تمام تحریکیں مسترد کردی گئیں۔ اسمبلی نے مختلف محکموں کی مد میں 41 مطالبات بھی منظور کیے۔
دیگر اہم شعبہ جات میں زراعت کے لیے 26.5 ارب، وٹرنری کے لیے 19 ارب جبکہ فشریز کے لیے 1.6 ارب روپے کی گرانٹس دی گئیں۔
