وزیراعظم پاکستان شہباز شریف نے برطانوی بادشاہ شاہ چارلس کے ساتھ ملاقات کی ہے اور دورہ پاکستان کی دعوت بھی دی ہے۔
وفاقی وزیر اطلاعات مریم اورنگزیب نے اپنے ایک ٹوئٹ میں کہا کہ برطانوی بادشاہ نے وزیراعظم سے بات چیت کے دوران اپنے سابقہ دورہ پاکستان کو یاد کیا۔
The Honourable Prime Minister met King Charles on Friday night at the Event and offered him felicitations on behalf of the people of Pakistan on his coronation.
He also extended an invitation to King Charles to visit Pakistan. King Charles recalled his previous visit to… pic.twitter.com/lxosW5hTPC— Marriyum Aurangzeb (@Marriyum_A) May 6, 2023
مریم اورنگزیب کا کہنا تھا کہ وزیر اعظم شہباز شریف نے جمعے کے روز لندن میں دولت مشترکہ کے رہنماؤں کی تقریب میں شرکت کی ہے۔
انہوں نے کہا کہ شہباز شریف نے برطانوی بادشاہ شاہ چارلس کی تاج پوشی کی تقریب میں شرکت کی ہے اور لندن میں موجود ہیں۔
ان کا کہنا تھا کہ وزیر اعظم نے کامن ویلتھ ایونٹ کے دوران کنگ چارلس سے ملاقات کی اور انہیں پاکستانی عوام کی جانب سے ان کی تاج پوشی پر مبارکباد پیش کی۔
وزیراعظم شہباز شریف نے برطانوی ہم منصب رشی سوناک سے بھی ملاقات کی ہے اور برطانوی بادشاہ شاہ چارلس کی تاج پوشی کے لیے تقریبات کے بہترین انتظامات پر ان کو مبارکباد پیش کی اور کارکردگی کو سراہا۔
تاج برطانیہ چارلس کے سر، شاہ کی شاہی میں جشن کا سماں
واضح رہے کہ ہفتے کے روز برطانیہ کے بادشاہ شاہ چارلس کو تاریخی کنگ ایڈورڈ تاج پہنایا گیا۔
King Charles III has been crowned 👑
God Save The King 🇬🇧#Coronation pic.twitter.com/nTSdpB8XnV
— Kayla Adams (@KaylaAdams___) May 6, 2023
شاہ چارلس سوئم کی تاج پوشی تقریب لندن کے چرچ ویسٹ منسٹر ایبی میں ہوئی۔ اس حوالے سے عوام میں بھرپور جوش و خروش پایا جاتا ہے اور جشن کا سماں ہے۔
شاہ چارلس سوئم برطانیہ کے 40 ویں بادشاہ اور کنسورٹ کمیلا سرکاری طور پر ملکہ کمیلا بن گئی ہیں۔ برطانوی شاہی نظام میں 70 سال بعد تاج شاہی کسی مرد کے سر پر سجا ہے۔
برطانوی بادشاہ شاہ چارلس کی رسم تاج پوشی کے موقع پر تقریب میں جہاں دنیا بھر سے عالمی رہنما شریک ہوئے وہیں پر ان کے بیٹے شہزادہ ہیری نے بھی شرکت کی۔
