پاکستان اسٹاک ایکسچینج میں منگل کے روز شدید اتار چڑھاؤ دیکھا گیا، جہاں بینچ مارک کے ایس سی 100 انڈیکس دونوں سمتوں میں حرکت کرنے کے بعد 150,000 پوائنٹس سے کچھ بلند سطح پر بند ہوا۔
کاروبار کا آغاز مضبوط خریداری سے ہوا جس کے نتیجے میں انڈیکس ابتدائی اوقات میں 151,503.46 کی بلند ترین سطح تک پہنچ گیا، جو مثبت رجحان کی عکاسی کرتا ہے۔
یہ بھی پڑھیں: اسٹاک ایکسچینج شدید مندی سے دوچار، انڈیکس میں 11,000 پوائنٹس کی کمی
تاہم اس کے بعد مارکیٹ میں بتدریج کمی آئی اور انڈیکس گرتے ہوئے دن کے دوران 148,509.04 کی کم ترین سطح تک آ گیا۔
دوپہر کے بعد مارکیٹ میں بحالی کا رجحان دیکھا گیا اور انڈیکس دوبارہ بڑھتے ہوئے 150,000 کی سطح کے قریب پہنچ گیا۔
Market Close Update: Positive Today! 🚀
🇵🇰 KSE 100 ended positive by +837.5 points (+0.56%) and closed at 150,016.2 with trade volume of 145.5 million shares and value at Rs. 14.58 billion. Today's index low was 148,509 and high was 151,503. pic.twitter.com/rBgJOjMQjj— Investify Pakistan (@investifypk) March 17, 2026
کاروبار کے اختتام پر کے ایس ای 100 انڈیکس 150,016.16 پوائنٹس پر بند ہوا، جو 837.50 پوائنٹس یعنی 0.56 فیصد اضافے کو ظاہر کرتا ہے۔
دوسری جانب اسٹیٹ بینک کے مطابق پاکستان نے فروری 2026 میں 427 ملین ڈالر کا کرنٹ اکاؤنٹ سرپلس ریکارڈ کیا۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
وزیر خزانہ کے مشیر خرم شہزاد نے کہا کہ یہ سرپلس مضبوط ترسیلات زر، ویلیو ایڈیڈ برآمدات میں بہتری اور درآمدات میں نظم و ضبط کی وجہ سے ممکن ہوا، جس سے معیشت میں استحکام آیا اور بیرونی مالی دباؤ کم ہوا۔
انہوں نے مزید کہا کہ علاقائی کشیدگی کے باوجود پاکستان کا مستحکم بیرونی کھاتہ اور مناسب مالی بفرز پائیدار معاشی بحالی اور سرمایہ کاروں کے اعتماد کے لیے اہم سنگ میل ہیں۔
پیر کے روز اسٹاک ایکسچینج میں شدید فروخت دیکھی گئی تھی، جہاں کے ایس ای 100 انڈیکس 4,687.51 پوائنٹس یعنی 3.05 فیصد کمی کے ساتھ 149,178.66 پوائنٹس پر بند ہوا، کیونکہ سرمایہ کار عالمی منڈیوں میں بے یقینی اور تیل کی قیمتوں میں اتار چڑھاؤ کے باعث محتاط رہے۔
عالمی سطح پر منگل کو ایشیائی مارکیٹوں میں بہتری دیکھی گئی، جہاں سرمایہ کار مرکزی بینکوں کی پالیسیوں اور مشرق وسطیٰ میں جاری کشیدگی کے اثرات کا جائزہ لے رہے ہیں۔
مزید پڑھیں: اسٹاک ایکسچینج میں کاروبار کے آغاز پر مندی کا طوفان، مارکیٹ ہالٹ کا نفاذ
ایم ایس سی آئی ایشیا پیسیفک انڈیکس میں 0.9 فیصد اضافہ ہوا، جبکہ جنوبی کوریا کے کوسپی انڈیکس میں 2.4 فیصد اور جاپان کے نکی انڈیکس میں 0.3 فیصد اضافہ ریکارڈ کیا گیا۔
دوسری جانب ایس اینڈ پی 500 انڈیکس کے فیوچرز میں 0.3 فیصد کمی دیکھی گئی۔
وال اسٹریٹ میں پیر کو ایس اینڈ پی 500 انڈیکس میں 1 فیصد اضافہ ہوا، جس سے 4 روزہ مندی کا سلسلہ ٹوٹ گیا، تاہم یہ انڈیکس اب بھی تنازع شروع ہونے سے پہلے کی سطح سے تقریباً 3 فیصد نیچے ہے۔
