پاکستان کے سابق کپتان شاہد آفریدی نے پاکستان کو ون ڈے کرکت مین نمبر ون ٹیم بننے پر مبارک باد پیش کی ہے۔
سابق کپتان نے کہا ہے کہ بابراعظم اور ساری ٹیم کو مبارک باد پیش کرتا ہوں، سمجھتا ہوں کہ پاکستان کی ٹیم ورلڈ کپ کے لیے مکمل تیار ہے انہیں پورے اعتماد کے ساتھ بھارت جانا چاہیے، مجھے پورا یقین ہے کہ پاکستانی ٹیم بھارت کی سرزمین پر اچھی کارکردگی دکھائے گی۔
ایک سوال کے جواب میں انہوں نے کہا کہ ورلڈ کپ آئی سی سی کا ایونٹ ہے اس کا موازنہ ایشیا کپ سے نہیں بنتا اس لیے ورلڈ کپ کا بائیکاٹ کرنا مشکل ہو جائے گا۔
شاہد آفریدی نے کہا کہ میرا یہ ماننا ہے کہ آپ خود کو اتنا مضبوط کرنا چاہیے کہ دوسروں کو آنکھیں دکھا سکیں۔
پاکستان کے نائب کپتان سے متعلق سوال کے جواب میں شاہد آفریدی نے کہا کہ ان کے خیال میں کسی کو نائب کپتان نہیں بنانا چاہیے۔
