مدیحہ امام جو کہ ایک باصلاحیت اداکارہ ہیں اپنی زندگی کے ایک نئے مرحلے میں داخل ہوئی ہیں۔ اداکارہ نے فلم ساز موجی بسر سے حال ہی میں شادی کر لی ہے جس پرمداحوں نے ان کے لیے نیک خواہشات کا اظہار کیا اور انھیں خوبصورت شادی شدہ زندگی کے لیے دعائیں بھیجی ہیں۔
مدیحہ امام مقبول ٹی وی شو’ہنسنا منع ہے‘ میں مہمان تھیں اور انہوں نے ایک مداح کے ساتھ مزاحیہ گفتگو کی۔
شو میں ایک مداح نے ان کی تعریف کرتے ہوئے کہا کہ وہ ہر کردار کو کتنے اچھے طریقے سے نبھا رہی ہیں اور ساتھ ہی ان کی ماں کی خوبصورتی اور حسن کی تعریف بھی کی۔ اسی وقت مدیحہ امام اور تابش ہاشمی (شو کے میزبان) کے پوچھنے پر مداح نے بتایا کہ وہ اداکارہ سعدیہ امام کو مدیحہ امام کی والدہ سمجھ رہی ہیں۔
اداکارہ اور شو کے میزبان اس غلط فہمی پر ہنس پڑے اور مدیحہ امام نے واضح کیا کہ ان کا سعدیہ امام سے کوئی تعلق نہیں ہے۔
