پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ وزیراعلیٰ خیبرپختونخوا علی امین گنڈاپور بہترین کھلاڑی ہیں اور انہیں عمران خان کا اعتماد حاصل ہے۔
اڈیالہ جیل کے باہر میڈیا سے گفتگو کرتے ہوئے انہوں نے کہاکہ علی امین گنڈاپور کی جانب سے 90 روز کا الٹی میٹم اپنی طرف سے کی گئی بات تھی۔ عمران خان کہہ چکے ہیں کہ 5 اگست کو ہماری تحریک عروج پر ہوگی۔
علی امین بہترین کھلاڑی ہیں اور انہیں عمران خان کا اعتماد حاصل ہے۔ 90 دن کا بیان ایک روٹین اسٹیٹمنٹ تھی عمران خان کہہ چکے ہیں کہ 5 اگست کو تحریک عروج پر ہو گی۔ عالیہ حمزہ اور شیخ وقاص سے بات ہوئی ہے اب کوئی گفتگو باہر نہیں آئے گی، بیرسٹر گوہر pic.twitter.com/vKyEcsDw0A
— Rizwan Ghilzai (Remembering Arshad Sharif) (@rizwanghilzai) July 15, 2025
یہ بھی پڑھیں: عمران خان کے بیٹے شریک ہوں گے تو تحریک مزید کامیاب ہوگی، جنید اکبر
بیرسٹر گوہر نے کہاکہ عالیہ حمزہ اور شیخ وقاص سے بات ہوئی ہے اب کوئی گفتگو باہر نہیں آئےگی۔ پاکستان تحریک انصاف متحد ہے، کوئی اختلافات نہیں، تاہم مس انڈر اسٹینڈنگ ہے۔
انہوں نے کہا کہ ہماری جماعت دیگر سیاسی جماعتوں کی طرح ذاتی پسند و ناپسند کی بنیاد پر فیصلے نہیں کرتی۔ سیاست میں ظرف اور دل بڑا رکھنا پڑتا ہے۔ ہم سیاسی تحریک ضرور چلائیں گے، تاہم ہم کوئی گوریلا فورس نہیں ہیں۔ دو برس گزر چکے ہیں، اب عقل و شعور سے کام لینے کا وقت ہے۔ جو لوگ بالا سطح پر فیصلے کر رہے ہیں، انہیں سنجیدگی سے سوچنا چاہیے۔
یہ بھی پڑھیں: ’اب مذاکرات نہیں ہوں گے‘، عمران خان نے حکومت مخالف تحریک کے لیے تاریخ کا اعلان کردیا
ان کا مزید کہنا تھا کہ سینیٹ انتخابات کے حوالے سے جو فہرست گردش کر رہی ہے، ان میں سے ایک جعلی ہے۔ ہماری جانب سے جو اصل فہرست جاری کی گئی، صرف اسی میں شامل نام ہی ہمارے اصل امیدوار ہیں۔
