پاکستان تحریک انصاف (پی ٹی آئی) کے بانی عمران خان نے حکومت کے خلاف تحریک چلانے کے لیے تاریخ کا اعلان کردیا۔
یہ بھی پڑھیں: عمران خان کی پی ٹی آئی کو 10 محرم کے بعد حکومت مخالف تحریک شروع کرنے کی ہدایت
اڈیالہ جیل میں عمران خان سے ان کی بہنوں کی ملاقات ہوئی، جس کے بعد علیمہ خان نے نورین خان اور عظمیٰ خان کے ہمراہ میڈیا سے گفتگو کی۔
عمران خان نے 5 اگست کی تاریخ دے دی , عمران خان کا تحریک کو 5 اگست تک بلندی پر لیجانے کا پارٹی کو حکم-@Aleema_KhanPK
pic.twitter.com/yGp4NpcRRL— PTI (@PTIofficial) July 8, 2025
علیمہ خان نے کہاکہ عمران خان نے حکومت مخالف تحریک کے لیے 5 اگست کی تاریخ دیتے ہوئے کہا ہے کہ اس تاریخ پر حکومت مخالف تحریک میں شدت ہونی چاہیے۔
بانی پی ٹی آئی کی ہمشیرہ نے کہاکہ حکومت مخالف تحریک کے لیے 5 اگست کی تاریخ دینے کا مقصد یہ ہے کہ اس روز عمران خان کی گرفتاری کو 2 سال مکمل ہو جائیں گے۔
انہوں نے کہاکہ عمران خان نے واضح کیا ہے کہ قوم اب میرے لیے نہیں بلکہ اپنی آزادی کی خاطر نکلے۔ کیوں کہ 26ویں آئینی ترمیم کے ذریعے قانون کی حکمرانی کو دفن کردیا گیا ہے۔
علیمہ خان نے کہاکہ عمران خان نے واضح کیا ہے کہ اب حکومت سے کوئی مذاکرات نہیں ہوں گے، صرف تحریک چلے گی۔
یہ بھی پڑھیں: عمران خان کی رہائی کے لیے پی ٹی آئی کی ملک گیر تحریک، احتجاج کب، کہاں اور کس طرح ہوگا؟
واضح رہے کہ بانی پی ٹی آئی عمران خان نے عاشورہ کے بعد حکومت کے خلاف تحریک چلانے کا اعلان کیا تھا۔
