گزشتہ برس سندھ کے ضلع سانگھڑ میں ظلم کا نشانہ بننے والی اونٹنی کو مصنوعی ٹانگ لگانے کا تجربہ کامیاب ہوگیا اور اب وہ اپنے پیروں پر بخوبی کھڑی ہوسکتی ہے۔
یہ بھی پڑھیں: سانگھڑ میں ظالم وڈیرے نے غریب شہری کے اونٹ کی ٹانگ کاٹ دی
یاد رہے کہ منگلی میں اونٹنی کی ٹانگ کاٹی گئی تھی جس کے بعد اس کی مصنوعی ٹانگ لگانے کا فیصلہ کیا گیا تھا۔ اعضا تیار کرنے والی مقامی کمپنی سی ڈی آر ایس بینجی پراجیکٹ شیلٹر کے ماہرین نے اونٹنی کا معائنہ کیا تھا اور اس کی مصنوعی ٹانگ پاکستان ہی میں تیار کی گئی تھی۔
تقریباً ایک برس کے بعد مصنوعی اعضا تیار کرنے والی کمپنی بائیونکس نے اونٹنی کو نہ صرف مصنوعی ٹانگ لگانے کا تاریخی سنگ میل عبور کیا بلکہ اسے اپنی مصنوعی ٹانگ پر کھڑا بھی کردیا ہے۔
مزید پڑھیے: اونٹنی کی ٹانگ کاٹنے میں ملوث مبینہ ملزمان کی ضمانت منظور
پاکستان اور متحدہ عرب امارات کے ویٹنری ڈاکٹرز زخمی اونٹنی کے علاج کے لیے آن لائن رابطے میں رہے۔ مصنوعی ٹانگ کاربن فائبر، اسٹیل اور ایئرکرافٹ ایلمونیم سے تیار کی گئی جسے زخم مندمل ہونے کے بعد لگایا گیا۔
مزید پڑھیں: جانوروں پر تشدد: پاکستان میں جانوروں کے حقوق کے لیے کیا قوانین ہیں؟
یاد رہے کہ جون 2024 میں اونٹنی کے مالک سومربَھَن کے مطابق ان کی اونٹنی ایک وڈیرے کی زرعی زمین میں چلی گئی تھی جس کے بعد وڈیرے نے مبینہ طور پر ملازمین کے ہمراہ کیمی پر تشدد کیا اور پھر تیز دھار آلے سے اس کی ٹانگ کاٹ دی۔
