وزیراعظم شہبازشریف سے انڈونیشیا کے وزیردفاع لیفٹیننٹ جنرل (ر)سیافری سمسودین نے ملاقات کی ہے، اس موقع پر پاکستان اور انڈونیشیا کے درمیان کثیرالجہتی دوطرفہ تعاون بڑھانے پر اتفاق کیا گیا۔
وزیراعظم نے کہا اس موقع پر کہا کہ پاکستان اور انڈونیشیا کے درمیان مشترکہ ثقافت، مذہب اور تاریخی رشتوں پر مبنی دیرینہ دوستانہ تعلقات ہیں اور دونوں ممالک بین الاقوامی فورمز پر ایک دوسرے کی حمایت کرتے ہیں۔
یہ بھی پڑھیں: فیلڈ مارشل عاصم منیر سے انڈونیشین وزیر دفاع کی ملاقات، دفاعی تعاون بڑھانے پر اتفاق
شہباز شریف نے پاکستان کے انڈونیشیا کے ساتھ اقتصادی و تزویراتی تعلقات اور تجارت، دفاع اور دفاعی پیداوار کے شعبوں سمیت تمام شعبوں میں دو طرفہ تعاون کو مزید فروغ دینے کے عزم کا اعادہ کیا، ملاقات کے دوران دونوں رہنماؤں نے کثیر الجہتی دوطرفہ تعاون کو بڑھانے کی اہمیت پر زور دیا۔
وزیراعظم نے انڈونیشیا کے صدر پرابووو سوبیانٹو کے ساتھ قاہرہ میں جی ایٹ سربراہی اجلاس کے موقع پر اپنی خوشگوار ملاقات کی یاد وں کا تذکرہ کرتے ہوئے ان کے لیے نیک خواہشات کا اظہار کیا۔ملاقات میں پاکستان اور انڈونیشیا کےمابین گہرے تاریخی، برادرانہ اور دوستانہ دوطرفہ تعلقات پر گفتگو کی گئی۔
یہ بھی پڑھیں: وزیراعظم شہباز شریف ڈی ایٹ سمٹ میں شرکت کے لیے قاہرہ پہنچ گئے
انہوں نے باہمی طور پر مفید منصوبوں میں سرمایہ کاری کے لیے انڈونیشیا کے ساتھ تعاون کو مزید فروغ دینے پر زور دیا۔وزیر اعظم نے پاکستان اور انڈونیشیا کے مابین دفاعی تعاون کے معاہدے کے تحت جاری اقدامات کا بھی جائزہ لیا ۔ دونوں رہنماؤں نے اس معاہدے کے نفاذ کو تیز کرنے پر اتفاق کیا۔
