وزیر اعظم شہباز شریف ڈی ایٹ سربراہی اجلاس میں شرکت کے لیے مصر کے دارالحکومت قاہرہ پہنچ گئے ہیں۔
وزیر اعظم پاکستان محمد شہباز شریف 18 سے 19دسمبر تک قاہرہ میں منعقد ہونے والے ترقی پذیر 8 ممالک کے 11ویں سربراہی اجلاس میں پاکستانی وفد کی قیادت کرنے کے لیے مصر کے سرکاری دورے پر قاہرہ پہنچ گئے۔
یہ بھی پڑھیں: ڈی 8 سمٹ، نائب وزیراعظم پاکستان کی نمائندگی کے لیے قاہرہ پہنچ گئے
قاہرہ پہنچنے پر عرب جمہوریہ مصر کے وزیر برائے پبلک بزنس سیکٹر محمد شیمیی اور قاہرہ میں پاکستانی سفارتخانے کے عملے نے ہوائی اڈے پر وزیراعظم کا استقبال کیا۔
11ویں ڈی ایٹ سمٹ کا موضوع ’نوجوانوں میں سرمایہ کاری اور سمال میڈیم اینٹر پرائز کو فروغ دینا، کل کی معیشت کی تشکیل‘ ہے۔
Just landed in the majestic city of Cairo to participate in the 11th D-8 Summit. As one of its founding members, Pakistan looks forward to contributing to this important gathering. I will join like-minded leaders to deliberate on shaping the economy of the future by investing in… pic.twitter.com/iPJacThAA1
— Shehbaz Sharif (@CMShehbaz) December 18, 2024
سربراہی اجلاس میں وزیراعظم ایک مضبوط اور جامع معیشت کی تشکیل کے لیے نوجوانوں اور سمال اینڈ میڈیم انٹر پرائز میں سرمایہ کاری کی اہمیت پر تبادلہ خیال کریں گے۔
یہ بھی پڑھیں: بطور وزیراعظم شہباز شریف اب تک سعودی عرب کے کتنے دورے کرچکے؟
وزیراعظم پاکستان مشرق وسطیٰ میں اسرائیلی جارحیت کے نتیجے میں پیدا ہونے والی صورتحال پر غور و خوض کے حوالے سے غزہ اور لبنان میں انسانی بحران اور تعمیر نو کے چیلنجز پر ایٹ ڈی کے خصوصی سربراہی اجلاس میں بھی شرکت کریں گے، سربراہ اجلاس کے موقع پر وزیراعظم کی شرکت کرنے والے رہنماؤں سے دو طرفہ ملاقاتیں متوقع ہیں۔
پاکستانی وفد میں نائب وزیراعظم و وزیر خارجہ محمد اسحاق ڈار اور وفاقی وزیر اطلاعات و نشریات عطا اللہ تارڑ بھی شامل ہیں۔
ڈی ایٹ سمٹ 1997 میں ترکیے کے دارالحکومت استنبول میں قائم کیا گیا تھا، ڈی ایٹ آرگنائزیشن فاراکنامک کوآپریشن، جسے ڈیولپنگ-8 بھی کہا جاتا ہے، بنگلہ دیش، مصر، انڈونیشیا، ایران، ملائیشیا، نائیجیریا، پاکستان اور ترکی کے درمیان ترقیاتی تعاون کی ایک تنظیم ہے۔
یہ بھی پڑھیں: قاہرہ میں نوجوان صحافیوں کے لیے پہلی ’عرب میڈیا کریئیٹیویٹی سمٹ ‘ کا آغاز
اس تنظیم کا مقصد رکن ممالک کے درمیان اقتصادی تعاون کو بڑھا کر اقتصادی ترقی کو فروغ دیا جاسکے اور زراعت، تجارت، نقل و حمل، صنعت، توانائی اور سیاحت میں بہتری لانے اور تعاون بڑھانے پر توجہ مرکوز کرتے ہوئے معیار زندگی کو بہتر کیا جائے۔
