پاکستانی اداکار عمران عباس اور صبا قمر کے نئے ڈرامے ’تمہارے حسن کے نام‘ کا ٹریلر جاری کر دیا گیا ہے۔
پاکستان کے دو مقبول اداکارعمران عباس اور صبا قمر اپنے نئے رومانوی ڈرامے ’تمہارے حسن کے نام‘ میں ایک ساتھ دکھائی دیں گے۔
ڈرامہ ’تمہارے حسن کے نام‘ کے پیچھے ایک لازوال محبت کی کہانی ہے جس میں عمران عباس ایک غریب لڑکے سکندر کے کردارمیں دکھائی دیں گے جب کہ صبا قمر سلمیٰ کا کردار نبھائیں گی جس کا تعلق ایک امیر گھرانے سےہوتا ہے۔
سلمیٰ اور سکندر اپنی سچی محبت کو ایک ایسی شرط کے طور پر بیان کرتے ہیں جو انسان کی بنائی ہوئی تمام سماجی تقسیم اور فرق کو مسترد کرتی ہے۔
ڈرامے کی دیگر کاسٹ میں اسد صدیقی، نیئر اعجاز، سلمان شاہد، سدرہ نیازی، حارث وحید اور دیگر اداکار شامل ہیں۔
ڈرامہ ’تمہارے حسن کے نام‘ عمیرہ احمد اور سارہ قیوم نے لکھا ہے۔ ہدایت کارثاقب خان جب کہ پروڈیوسر مصباح شفیق ہیں۔
