پاکستانی کیوئسٹ محمد حسنین نے نئی تاریخ رقم کرتے ہوئے آئی بی ایس ایف انڈر 17 ورلڈ چیمپیئن شپ کا ٹائٹل اپنے نام کر لیا ہے۔
بحرین کے دارالحکومت مناما میں ہونے والے فائنل میں محمد حسنین نے ویلز کے رائلی پاول کو یکطرفہ مقابلے میں 0-4 سے شکست دے کر چیمپئن شپ جیت لی۔
یہ بھی پڑھیے: ورلڈ ماسٹرز اسنوکر، پاکستان کے شاہد آفتاب نے بھارت کے منن چندرا کو دھول چٹادی
16 سالہ محمد حسنین نے میچ کے پورے دورانیے میں بہترین کارکردگی کا مظاہرہ کیا جبکہ ان کے حریف اس دوران کوئی بھی اسکور کرنے سے قاصر رہے۔
یاد رہے کہ اس سے قبل سیمی فائنل میں انہوں نے پولینڈ کے اولیور نیزالیک کو 0-4 سے ہرایا تھا۔
کوارٹر فائنل میں پولینڈ ہی کے کژیزٹوف چاپنک کو 1-3 جبکہ پری کوارٹر فائنل میں عمان کے معتصم السعدی کو 0-3 سے شکست دی تھی۔
