خیبرپختونخوا میں سینیٹ انتخابات کے لیے حکومت اور اپوزیشن کے درمیان باہمی رضامندی کے بعد تمام امیدوار بلا مقابلہ منتخب ہو گئے ہیں۔
یہ بھی پڑھیں:سینیٹ ٹکٹوں کی تقسیم: نظریاتی کارکنوں کو نظرانداز کرنے پر پشاور میں پی ٹی آئی کا احتجاج
ذرائع کے مطابق تحریک انصاف کے ناراض کورنگ امیدواروں کے ساتھ اختلافات دور کر لیے گئے ہیں اور پارٹی کے تمام کورنگ امیدواروں نے اپنے کاغذاتِ نامزدگی واپس لے لیے ہیں۔
ذرائع کا کہنا ہے کہ سینیٹ انتخابات کے نتائج حکومت اور اپوزیشن کے درمیان طے پانے والی مفاہمت کے مطابق ہوں گے۔
یہ بھی پڑھیں:http://سینیٹ انتخابات میں پی ٹی آئی کی امیدوار مشعال یوسف زئی کو پارٹی کے اندر سے مخالفت کا سامنا
بلا مقابلہ انتخاب کے نتیجے میں سینیٹ کی 6 نشستیں تحریک انصاف کے حصے میں آئیں گی، جبکہ اپوزیشن کو 5 نشستیں ملیں گی، جن میں پاکستان پیپلز پارٹی اور جمعیت علمائے اسلام (ف) کو دو دو اور مسلم لیگ (ن) کو ایک نشست ملے گی۔
