نیویارک اسٹیٹ اسمبلی کے رکن اور نیویارک سٹی کے میئر کے امیدوار ظہران ممدانی نے مشرقِ وسطیٰ کے جاری بحران، بالخصوص اسرائیل غزہ جنگ کی میڈیا کوریج میں برطانوی نشریاتی ادارے ’بی بی سی‘ کو شدید تنقید کا نشانہ بنایا ہے۔ انہوں نے بی بی سی پر زبان کے چناؤ میں تعصب کا الزام لگاتے ہوئے کہا کہ ادارہ بعض گروہوں کو مخصوص سیاسی رنگ دیتا ہے، جب کہ دوسروں کو جان بوجھ کر غیرجانبدار ظاہر کرتا ہے۔
ممدانی نے اپنے ایک وائرل سوشل میڈیا پوسٹ (X/Twitter) میں لکھا:
’بی بی سی ہمیشہ ’ایرانی حمایت یافتہ حوثی‘، ’حماس کے زیرِ انتظام اسپتال‘ جیسے الفاظ استعمال کرتا ہے، لیکن کبھی ’امریکی حمایت یافتہ اسرائیلی فوج (IDF)‘ یا ’ملزم جنگی مجرم بنیامن نیتن یاہو‘ کیوں نہیں کہتا؟ یہ دہرا معیار کیوں؟‘
Why does the BBC always include context like “Iran-backed Houthis” and “Hamas-run hospital” but never
“US-backed IDF” or “indicted-war-criminal Benjamin Netanyahu”?— Zohran Mamdani (@zohranmamdani) July 19, 2025
میڈیا اداروں کے رویے پر سوال
ممدانی کا مؤقف ہے کہ میڈیا ادارے، خاص طور پر بی بی سی جیسے بااثر پلیٹ فارم، عالمی سامعین کو خبر دیتے وقت الفاظ کے استعمال سے رائے عامہ کو متاثر کرتے ہیں۔ ان کا کہنا ہے کہ فلسطینیوں یا ایران سے وابستہ گروہوں کے لیے ہمیشہ منفی شناختی الفاظ استعمال کیے جاتے ہیں، جبکہ اسرائیلی فوج یا قیادت کو ایسی کسی قسم کی وضاحت سے محفوظ رکھا جاتا ہے، حالانکہ وہ بھی سیاسی حمایت اور متنازع الزامات کے دائرے میں آتے ہیں۔
یہ بھی پڑھیے نیویارک کے میئر امیدوار ظہران ممدانی کو ابتدائی جیت کے بعد اسلاموفوبیا کا سامنا
ممدانی، جو فلسطینیوں کے حقوق کے سرگرم حامی ہیں، بی ڈی ایس (BDS) تحریک کے حمایتی بھی ہیں اور غزہ میں اسرائیلی کارروائیوں کو “نسل کشی” قرار دیتے ہیں۔
بیانات پر ردعمل اور تنازع
ممدانی کا یہ بیان سوشل میڈیا پر وائرل ہوا، جس بڑی تعداد میں صارفین نے ان کے موقف کی حمایت کی اور کہا کہ آپ واقعی سخت سوالات پوچھ رہے ہیں۔
ظہران ممدانی پر ٹرمپ کی سخت تنقید
سابق امریکی صدر ڈونلڈ ٹرمپ نے بھی ممدانی پر تنقید کرتے ہوئے انہیں ’100 فیصد کمیونسٹ پاگل‘ قرار دیا۔
انہوں نے اپنے سوشل میڈیا پلیٹ فارم Truth Social پر لکھا:
‘وہ نیویارک سٹی کے لیے خطرناک ہوں گے۔’
ایک Fox News انٹرویو میں ٹرمپ نے مزید کہا:
‘وہ کمیونسٹ ہیں اور خود اعتراف کرتے ہیں۔ یہ نیویارک کے لیے بہت برا ہوگا۔’
یہ بھی پڑھیے نیویارک میئر کے لیے پہلے مسلمان امیدوار ظہران ممدانی کون ہیں؟
پس منظر
ظہران مامدانی نے ایک انٹرویو میں کہا تھا کہ وہ کسی ایسے ملک کی حمایت نہیں کرتے جو مذہب یا کسی اور بنیاد پر شہریت میں تفریق رکھتا ہو۔ انہوں نے کہا کہ جیسا کہ امریکا میں مساوات کی بات کی جاتی ہے، ایسی ہی برابری دنیا کے ہر ملک میں ہونی چاہیے۔
