پنجاب اور خیبر پختونخوا میں الیکشن کی تاریخ کا معاملے پر الیکشن کمیشن نے دونوں صوبوں کے گورنرز کو خط بھیج دیا۔
الیکشن کمیشن کی جانب سے گورنر پنجاب محمد بلیغ الرحمان کو بھیجے گئے مراسلے میں کہا گیا ہے کہ گورنر پنجاب 9 سے 13 اپریل کے درمیان پولنگ کی تاریخ مقرر کریں۔
اس کے علاوہ گورنر کے پی کو بھیجے گئے مراسلے میں کہا گیا ہے کہ 15 سے 17 اپریل کے درمیان خیبر پختونخوا میں پولنگ کی تاریخ مقرر کریں۔
یاد رہے کہ پنجاب اور خیبر پختونخوا کی اسمبلیاں تحلیل ہونے کے بعد دونوں صوبوں میں نگران وزیراعلیٰ تعینات ہیں، پنجاب میں محسن نقوی نگران وزیراعلیٰ ہیں جبکہ خیبر پختونخوا میں افضل خان کو نگران وزیراعلیٰ تعینات کیا گیا ہے۔
