بھارتی کرکٹ ٹیم کے سابق کپتان ایم ایس دھونی، جو بین الاقوامی کرکٹ سے ریٹائرمنٹ کے بعد اب انڈین پریمیئر لیگ (آئی پی ایل) میں چنئی سپر کنگز کی نمائندگی کر رہے ہیں، اس وقت شائقین کی توجہ کا مرکز بنے ہوئے ہیں۔ اگرچہ چنئی سپر کنگز موجودہ سیزن میں مسلسل اچھی کارکردگی دکھانے میں ناکام رہی ہے، مگر دھونی کو ایک بار پھر ٹیم کی قیادت کرتے دیکھ کر شائقین بے حد خوش ہیں۔
ایم ایس دھونی نے حال ہی میں ایک پروموشنل ایونٹ میں شرکت کی جہاں اینکر نے ان سے پوچھا کہ ان کے بارے میں سنی جانے والی سب سے مضحکہ خیز افواہ کون سی ہے؟ جس پر دھونی نے جواب دیا ’میں روزانہ پانچ لیٹر دودھ پیتا ہوں‘، یہ سن کر اینکر بھی حیران رہ گیا اور کہا کہ یہ بات جھوٹی ہے۔
یہ بھی پڑھیں: دھونی نے میرے بیٹے کا کیریئر تباہ کردیا، یوراج سنگھ کے والد نے یہ بات کیوں کہی؟
دھونی نے مزید کہا، ’میں 5 لیٹر دودھ نہیں پیتا، کبھی کبھار ایک لیٹر دودھ دن بھر میں پی لیتا تھا، لیکن چار لیٹر بھی زیادہ ہو جاتا ہے، یہ کسی کے لیے بھی زیادہ ہے‘۔
Finishing off the rumour in style! 🥛 #WhistlePodu #Yellove🦁💛 @fedexmeisa pic.twitter.com/JPKTramxl7
— Chennai Super Kings (@ChennaiIPL) April 22, 2025
اینکر نے ان سے یہ افواہ بھی پوچھی کہ کیا وہ واشنگ مشین میں لسی بناتے تھے؟ اس پر دھونی نے بھی ہنستے ہوئے انکار کیا اور کہا کہ وہ لسی پیتے ہی نہیں۔
واضح رہے کہ جب دھونی نے 2004-05 میں ڈیبیو کیا تھا تو یہ مشہور افواہ تھی کہ ان کی توانائی کا راز یہ ہے کہ وہ روزانہ پانچ لیٹر دودھ پیتے ہیں۔
