دلچسپ منظر، کرکٹ میچ کے دوران لومڑی میدان میں آگئی

کرکٹ کی دنیا میں ایک دلچسپ اور حیرت انگیز واقعہ 2025 کے ہنڈریڈ سیزن اوپنر کے دوران پیش آیا، جب ایک لومڑی نے کھیل کو عارضی طور پر روک دیا اور لارڈز کرکٹ گراؤنڈ میں موجود شائقین کو محظوظ کیا۔

یہ دلچسپ واقعہ اس وقت رونما ہوا جب لندن اسپرٹ اور دفاعی چیمپیئن اوول انوینسبلز کے درمیان ایک سنسنی خیز مقابلہ جاری تھا اور کھیل بارش یا چوٹ کی وجہ سے نہیں، بلکہ ایک تیز رفتار لومڑی کی میدان میں دوڑنے کی وجہ سے رک گیا۔

یہ بھی پڑھیں: تمنا بھاٹیا کا کرکٹر عبدالرزاق سے تعلقات پر بڑا انکشاف، خاموشی توڑ دی

لومڑی بالکل اس میدان میں آ گئی جب لندن اسپرٹ کے پیسر ڈینیئل وورل بال پھینکنے والے تھے۔ اس وقت انوینسبلز کو جیتنے کے لیے مزید 72 رنز درکار تھے۔ اس غیر متوقع منظر نے لارڈز کراؤنڈ میں قہقہے اور تالیوں کی آوازیں بلند کر دیں، اور کمنٹیٹرز اسٹیورٹ براڈ اور ایئن مورگن بھی اپنی ہنسی پر قابو نہ پا سکے جب کیمرے نے لومڑی کے ہر قدم کو فالو کیا۔

A FOX ENTERS THE HUNDRED. 😂pic.twitter.com/iqnY0lPlZn

— Mufaddal Vohra (@mufaddal_vohra) August 6, 2025

آخرکار، لومڑی باؤنڈری کے پار دوڑتے ہوئے منظر سے غائب ہو گئی، اور کھیل دوبارہ شروع ہو گیا۔ تاہم، یہ انوکھا لمحہ 2025 کے کرکٹ سیزن کی سب سے دلچسپ اور یادگار شروعاتوں میں سے ایک بن گیا۔

یہ ویڈیو سوشل میڈیا پر وائرل ہوئی تو صارفین اس پر دلچسپ تبصرے کرتے نظر آئے، کئی صارفین اس لمحے سر لطف اندوز ہوتے نظر آئے وہیں چند صارفین نے اس پر تنقید کی بھی کی۔

ایک صارف نے لکھا کہ اب جنگلی جانور اس لیگ کو روکنے کے لیے جنگل سے نکل رہے ہیں۔