ترکیہ کے صوبے بالیق اسیر میں 6.1 شدت کا زلزلہ آیا ہے، جس کی گہرائی 10 کلومیٹر ریکارڈ کی گئی ہے، جرمن ریسرچ سینٹر فار جیوسائنسز نے بتایا۔
ترک میڈیا کے مطابق زلزلے کے بعد 4.6 اور 4.1 شدت کے 2 آفٹر شاکس بھی محسوس کیے گئے۔
ترک وزیر داخلہ علی یرلیکایا نے کہاکہ زلزلے کا مرکز ضلع سیندیرگی تھا اور اس کے جھٹکے استنبول اور قریبی دیگر صوبوں میں بھی محسوس کیے گئے۔
انہوں نے بتایا کہ ریسکیو ادارے آفاد اور دیگر متعلقہ محکمے متاثرہ علاقوں میں فوری طور پر سروے کر رہے ہیں تاکہ نقصان کا جائزہ لیا جا سکے اور عوام کی حفاظت کو یقینی بنایا جائے۔
وزیر داخلہ نے مزید کہاکہ صورتحال کو ہر لمحہ قریب سے مانیٹر کیا جا رہا ہے۔
