معروف پاکستانی اداکارہ ہانیہ عامر نے ایک اور بین الاقوامی اعزاز حاصل کرلیا ہے۔ انہیں دنیا کی خوبصورت ترین اداکاراؤں کی فہرست میں شامل کرلیا گیا۔
ہانیہ عامر واحد پاکستانی اداکارہ ہیں جنہیں اس فہرست میں جگہ دی گئی ہے۔
یہ بھی پڑھیں: ہانیہ عامر اور عاصم اظہر کی پھر سے قربتیں؟ قیاس آرائیاں بڑھنے لگیں
فلموں، ڈراموں اور ویب سیریز کی ریٹنگز اور شوبز شخصیات کے پروفائل بنانے والی کمپنی ’انٹرنیٹ مووی ڈیٹا بیس‘ (آئی ایم ڈی بی) نے 2025 اور 2026 کی 10 خوبصورت ترین اداکاراؤں کی فہرست جاری کی ہے، جس میں ہانیہ عامر کو چھٹے نمبر پر رکھا گیا ہے۔
فہرست میں دسویں نمبر پر ترک اداکارہ و ماڈل ہاندے آرچل شامل ہیں جو اپنی فلموں کی وجہ سے کافی مشہور ہیں۔
نویں نمبر پر ہالی وڈ اداکارہ امبر ہرڈ ہیں، آٹھویں نمبر پر اداکارہ و پروڈیوسر ایما واٹسن، جبکہ ساتویں نمبر پر آنا دی آرمس کو رکھا گیا ہے۔
بالی وڈ اداکارہ کرتی سنن پانچویں نمبر پر ہیں اور وہ اس فہرست میں شامل واحد بھارتی اداکارہ ہیں۔
چوتھے نمبر پر جنوبی کوریا کی اداکارہ نینسی مکڈونی، تیسرے نمبر پر چینی اداکارہ دلرابا دلمورت اور دوسرے نمبر پر امریکی اداکارہ شیلنی وڈلے ہیں۔ آسٹریلیا کی 35 سالہ اداکارہ مارگوٹ روبی کو اس فہرست میں پہلے نمبر پر رکھا گیا ہے۔
یہ بھی پڑھیں: دلجیت دوسانجھ اور ہانیہ عامر کی فلم ’سردار جی 3‘ کا ٹریلر ریلیز، نادیہ خان کا یوٹرن
ہانیہ عامر اگرچہ حسن کے اعتبار سے کرتی سنن سے پیچھے ہیں، مگر انہوں نے امبر ہرڈ اور ایما واٹسن جیسی نامور اداکاراؤں کو پیچھے چھوڑ دیا ہے۔
