وزیردفاع خواجہ آصف نے بیرون ملک پاکستانیوں سے سیلاب زردگان کی مدد کے لیے آگے بڑھنے کی اپیل کی ہے۔
اتوار کے روز وزیر دفاع خواجہ محمد آصف نے ڈنمارک میں مقیم پاکستانی کمیونٹی سے بذریعہ زوم خطاب کیا اور حالیہ جنگ میں قوم کی شاندار کامیابی پر دلی مبارکباد پیش کی۔
یہ بھی پڑھیں: دریاؤں میں درمیانے درجے کا سیلاب، اربن فلڈ کا خدشہ، محکمہ موسمیات کی وارننگ
ڈنمارک میں مقیم پاکستانی کمیونٹی نے وزیر دفاع کا پُرتپاک خیرمقدم کیا۔ اپنے خطاب میں خواجہ آصف نے پاکستانی قوم کے عزم اور اتحاد کو سراہتے ہوئے اس بات پر زور دیا کہ اندرونِ ملک اور بیرونِ ملک پاکستانی عوام نے بے مثال کردار ادا کیا ہے۔
وزیر دفاع خواجہ آصف کا ڈنمارک میں مقیم پاکستانیوں سے آن لائن خطاب
17 اگست 2025 — پاکستان کے وزیر دفاع خواجہ محمد آصف نے ڈنمارک میں مقیم پاکستانی کمیونٹی سے بذریعہ زوم خطاب کیا اور حالیہ جنگ میں قوم کی شاندار کامیابی پر دلی مبارکباد پیش کی۔
ڈنمارک میں مقیم پاکستانی کمیونٹی نے… pic.twitter.com/4LP2UIn3FK
— PTV News (@PTVNewsOfficial) August 17, 2025
انہوں نے خیبرپختونخوا میں حالیہ سیلابی صورتحال کی جانب توجہ دلاتے ہوئے کہا کہ بیرونِ ملک پاکستانی متاثرہ خاندانوں کی مدد کے لیے آگے بڑھیں۔ اُنہوں نے کہا ’حکومتِ پاکستان وزیرِاعظم کی قیادت میں اور پاک فوج، چیف آف آرمی اسٹاف فیلڈ مارشل سید عاصم منیر کی قیادت میں، دن رات محنت کر رہی ہے تاکہ سیلاب متاثرین کی ہر ممکن مدد کی جا سکے۔‘
یہ بھی پڑھیں: خواجہ آصف کی خفیہ ملاقات، فیلڈ مارشل کی امریکا میں کھڑے ہو کر بھارت کو وارننگ
وزیر دفاع نے یقین دلایا کہ حکومت مشکل کی اس گھڑی میں اپنے شہریوں کے ساتھ کندھے سے کندھا ملا کر کھڑی ہے اور بیرونِ ملک پاکستانیوں کے شاندار تعاون اور انہوں نے پاکستان کی ترقی میں ان کے کردار کو بھی خراجِ تحسین پیش کیا۔
