وزیراعلیٰ پنجاب مریم نواز اور محکمہ داخلہ پنجاب کے مشترکہ وژن ’بچے محفوظ، پنجاب محفوظ‘ کے تحت بچوں کو جنسی استحصال، بدسلوکی اور دیگر خطرات سے محفوظ بنانے کے لیے آگاہی مہم ’گڈ ٹچ بیڈ ٹچ‘ شروع کی گئی ہے۔
اس مہم کی پہلی قسط مئی 2025 میں نشر کی گئی، جس کا مقصد بچوں کے جسم کی حفاظت، نامناسب رویوں کی پہچان، اور والدین و اساتذہ کو بچوں کی تربیت میں شامل کرنے کے طریقے سکھانا تھا۔
بچوں کے کردار حیا اور بہادر متعارف کروائے گئے، جو بچوں کو گڈ ٹچ اور بیڈ ٹچ کے فرق کے بارے میں سکھا رہے ہیں۔ بچوں کو یہ بتایا گیا کہ وہ اپنے جسم اور ذاتی حدود کے بارے میں باشعور اور محتاط رہیں۔
مزید پڑھیں: بھارت نے دریائے ستلج میں پانی چھوڑ دیا، پنجاب میں سیلابی صورتحال
اسکولوں میں تربیتی ورکشاپس اور نصاب میں شامل مواد کے ذریعے ابتدائی اور پرائمری سطح کے بچوں کو آسان زبان میں ذاتی حفاظت کی تعلیم دی گئی۔
“بچے محفوظ , پنجاب محفوظ”
وزیراعلیٰ مریم نواز کی ہدایت پر بچوں کے تحفظ کیلیے “گڈ ٹچ , بیڈ ٹچ” آگاہی مہم pic.twitter.com/ysDH0QhGhy
— Team MNS (@TeamMNSharif) May 21, 2025
والدین کے لیے کمیونٹی ورکشاپس کا انعقاد کیا گیا، جس میں بچوں سے کھلی بات چیت اور ان کے تحفظ کے طریقے سکھائے گئے۔ اساتذہ کو تربیتی سیشنز میں یہ ہدایات دی گئیں کہ وہ بچوں میں رویوں کی تبدیلی کو پہچانیں اور غیر محفوظ حالات سے نمٹنے کی تربیت دیں۔
8 اگست 2025 کو نشر ہونے والی دوسری قسط میں بچوں کو پیغام دیا گیا کہ بیڈ ٹچ کرنے والوں سے گھبرائیں گے نہیں، ٹکرائیں گے۔ بچوں کو احسن انداز میں یہ سکھایا گیا کہ نا مناسب جسمانی رویوں کی شناخت کیسے کریں اور ان کا مناسب جواب کیسے دیں۔
سوشل میڈیا، ٹی وی، اور ریڈیو کے ذریعے پوسٹرز اور ویڈیوز کی مدد سے بچوں اور والدین تک آگاہی پہنچائی گئی۔
مزید پڑھیں: پنجاب وار بک کی نئی تیاری، 45 سال بعد جدید دور کے تقاضوں سے ہم آہنگ
بچوں کے لیے تعلیمی مواد تیار کیا گیا جس میں گڈ ٹچ اور بیڈ ٹچ کے فرق کو آسان زبان میں وضاحت سے بیان کیا گیا۔ اسکولوں میں اساتذہ کو تربیتی ورکشاپس کے ذریعے بچوں کی نگرانی اور تحفظ کو یقینی بنانے کی ہدایات دی گئی۔
مہم کے ذریعے والدین، اساتذہ اور معاشرے کے دیگر افراد کو بچوں کی حفاظت اور مناسب رہنمائی کے بارے میں شعور اجاگر کیا گیا۔
اس مہم کا مقصد بچوں کو نہ صرف محفوظ بنانا بلکہ معاشرتی سطح پر آگاہی پیدا کرنا اور والدین و اساتذہ کو تربیت فراہم کرنا ہے تاکہ بچے جنسی استحصال اور بدسلوکی کے خطرات سے محفوظ رہ سکیں۔
