مقبوضہ جموں میں پاکستان انٹرنیشنل ایئر لائن (پی آئی اے) کے لوگو والا ایک غبارہ نظر آنے پر بھارتی حکام میں کھلبلی مچ گئی۔
یہ بھی پڑھیں: جشن آزادی: مقبوضہ کشمیر میں قائداعظم، علامہ اقبال اور فیلڈ مارشل کی تصاویر والے پوسٹرز آویزاں
کشمیر میڈیا سروس کے مطابق شہر جموں میں اس وقت غیرمعمولی صورتحال پیدا ہوئی جب فضا میں پی آئی اے کے نشان سے مزین غبارہ دکھائی دیا۔
واقعے کے بعد بھارتی انتظامیہ نے فوری طور پر الرٹ جاری کردیا، اور تحقیقات شروع کردیں۔ رپورٹ کے مطابق اس سے قبل بھی گزشتہ ہفتے جموں کے علاقے سانبہ میں ایسا ہی غبارہ دیکھا گیا تھا۔
ان لگاتار واقعات کے بعد مقامی لوگ بھارتی فورسز کو تنقید کا نشانہ بناتے ہوئے طنزیہ تبصرے کررہے ہیں کہ جدید اسلحے سے لیس فوج اگر ایک غبارے سے خوفزدہ ہو جائے تو یہ اس کی کمزوری کی علامت ہے۔
یہ بھی پڑھیں: مقبوضہ کشمیر: بھارتی فوج کا مزاحمت کاروں کے خلاف 12 روزہ طویل آپریشن ناکام، 9 فوجی ہلاک
واضح رہے کہ چند برس قبل بھارتی حکام نے لائن آف کنٹرول عبور کرنے والے 2 کبوتر مختلف اوقات میں پکڑ لیے تھے، اور دعویٰ کیا تھا کہ پاکستان ان کبوتروں کے ذریعے جاسوسی کررہا ہے۔
