ایف آئی اے این سی بی انٹرپول پاکستان نے قتل کے مقدمات میں ملوث 4 ملزمان کو متحدہ عرب امارات سے گرفتار کر لیا۔
ترجمان ایف آئی اے کے مطابق گرفتار ملزمان کو فلائٹ نمبر پی کے 411 سے لاہور ایئرپورٹ منتقل کیا گیا۔ ان ملزمان میں 3 پنجاب جب کہ ایک ملزم کے پی پولیس کو مطلوب تھا۔
گرفتار شدہ ملزمان میں صوفی احمد یار گجرانوالہ، منصور احمد ناروال، محمد انصر گجرات اور ساجد اللہ پشاور پولیس کو مطلوب تھا۔
متعلقہ ضلعی پولیس کی درخواست پر این سی بی انٹرپول پاکستان نے ریڈ نوٹس جاری کیے تھے جن کی گرفتاری اور ملک آمد کے بعد ایف آئی اے امیگریشن لاہور نے متعلقہ پولیس کے حوالے کر دیا۔
ملزمان کی حوالگی انٹرپول پاکستان کی انٹرپول یو اے ای کے ساتھ قریبی رابطہ کاری کی وجہ سے ممکن ہوئی۔
