صوبہ پنجاب کے 9 اضلاع میں جاری سیلابی صورتحال کے باعث انسداد پولیو مہم ملتوی کر دی گئی ہے۔
نیشنل ایمرجنسی آپریشن سینٹر (این ای او سی) کے مطابق لاہور، شیخوپورہ، قصور، اوکاڑہ، گوجرانوالہ، سیالکوٹ، ملتان، مظفرگڑھ اور بہاولپور میں مہم مؤخر کی گئی ہے۔
مزید پڑھیں: پاکستان سے پولیو کا مکمل خاتمہ ہمارا ہدف ہے، وزیرِاعظم محمد شہباز شریف
ترجمان کے مطابق راولپنڈی، میانوالی، فیصل آباد، ڈیرہ غازی خان، اٹک، راجن پور اور رحیم یار خان میں پولیو مہم اپنے مقررہ شیڈول کے مطابق جاری رہے گی۔
این ای او سی کا کہنا ہے کہ پنجاب کے علاوہ ملک کے دیگر حصوں میں انسداد پولیو مہم یکم ستمبر سے حسبِ اعلان شروع ہوگی۔
