اسلام آباد پولیس کے ترجمان کے مطابق تھانہ کھنہ کے علاقے میں پولیس ناکہ پر معمول کی چیکنگ کے دوران موٹر سائیکلوں پر سوار تین ملزمان نے اہلکاروں پر اندھا دھند فائرنگ کردی۔
پولیس کی جانب سے بروقت حفاظتی اقدامات اور بلٹ پروف جیکٹ کی بدولت افسران محفوظ رہے۔
مزید پڑھیں: اسلام آباد میں پولیس ناکہ پر فائرنگ، دو ملزمان زخمی حالت میں گرفتار
ترجمان نے بتایا کہ فائرنگ کے تبادلے کے دوران ایک ملزم، جو بدنام زمانہ منشیات فروش جابر نکلا، زخمی حالت میں گرفتار کر لیا گیا۔
ملزم کے قبضے سے بھاری مقدار میں ہیروئن بھی برآمد ہوئی۔
مزید پڑھیں: اسلام آباد میں شورومز کی غیر قانونی پارکنگ کے خلاف ٹریفک پولیس کا کریک ڈاؤن
پولیس کے مطابق گرفتار ملزم جابر 15 مقدمات میں ریکارڈ یافتہ ہے، جبکہ اس کے دیگر ساتھی موقع سے فرار ہوگئے۔
ان کی گرفتاری کے لیے پولیس نے مختلف مقامات پر چھاپے مارنے شروع کر دیے ہیں۔
