امریکی ریاست پنسلوانیا میں نرسنگ کی طالبہ اس وقت خوفناک حادثے کا شکار ہو گئی جب وہ گاڑی چلاتے ہوئے برٹنی اسپیئرز کا مشہور گانا ہٹ می بے بی ون مور ٹائم” گاتے ہوئے ٹک ٹاک ویڈیو بنا رہی تھی۔ گانا گاتے گاتے اچانک اس کی گاڑی بے قابو ہو کر سڑک پر پھسل گئی، کئی قلابازیاں کھائیں اور اُلٹ گئی۔
یہ بھی پڑھیں: محفوظ ڈرائیونگ پر وی لاگز بنانے والے ٹریفک انسپیکٹر سوشل میڈیا پر وائرل
یہ واقعہ کیٹلین مک کچن نامی طالبہ کے ساتھ پیش آٰیا، جس کے موبائل کیمرے میں سارا واقعہ ریکارڈ بھی ہوگیا، ویڈیو میں دیکھا جاسکتا ہے کہ وہ ڈرائیو سے لطف اندوز ہورہی ہے، مگر چند ہی لمحوں بعد گاڑی تیزی سے سڑک پر پھسلتی ہے اور الٹ جاتی ہے۔ حادثے کے دوران وہ قابو پانے کی کوشش کرتی دکھائی دیتی ہے، مگر کامیاب نہیں ہوپاتی۔
خوش قسمتی سے، مک کچن کو کوئی سنگین چوٹ نہیں آئی، اگرچہ گاڑی کو شدید نقصان پہنچا۔ بعدازاں اُس نے مذاق میں لکھا کہ ویڈیو کو کچھ یوں کیپشن دیا کہا جاسکتا ہے کہ مجھے ایک بار پھر ہٹ کیا گیا۔
View this post on Instagram
ویڈیو سوشل میڈیا پر تیزی سے وائرل ہو گئی، جہاں صارفین نے حیرت کا اظہار کرتے ہوئے تبصرے کیے۔ ایک صارف نے لکھا ‘مجھے نہیں معلوم یہ ویڈیو مجھے اتنی مضحکہ خیز کیوں لگ رہی ہے، اللہ کرے تم خیریت سے ہو اور نئی گاڑی بھی مل جائے۔’
یہ بھی پڑھیں: دوست کی جگہ ڈرائیونگ ٹیسٹ دینے والا دھرلیا گیا
دوسرے نے طنزیہ انداز میں لکھا کہ ‘کسی نے کائنات سے مانگا اور کائنات نے سچ میں دے دیا۔’
ایک اور صارف نے سیٹ بیلٹ کے استعمال کی اہمیت پر زور دیتے ہوئے لکھا ‘سیٹ بیلٹ نے جان بچائی، ہمیشہ سیٹ بیلٹ باندھو۔’
بعد میں کیٹلین نے انسٹاگرام اور ٹک ٹاک پر تصدیق کی کہ وہ حادثے میں محفوظ رہی اور گاڑی اب بھی کسی حد تک چلنے کے قابل ہے۔ اُس نے وضاحت کی کہ حادثہ اس وقت پیش آیا جب گاڑی سڑک پر موجود بجری پر پھسل گئی تھی۔
یہ بھی پڑھیں: اسلام آباد ڈرائیونگ لائسنس آفس میں ٹاؤٹ مافیا کے داخلے پر پابندی
اسی نوعیت کا ایک واقعہ ایران میں بھی پیش آیا تھا جہاں 2 لڑکیاں گاڑی میں گانا گاتے اور ڈانس کرتے ہوئے ویڈیو بنارہی تھیں کہ اچانک حادثہ پیش آ گیا۔ وہ ویڈیو بھی انٹرنیٹ پر وائرل ہوئی، جس کا اختتام ایئر بیگ کے کھلنے پر ہوتا ہے۔
